ព្រះសីហនុ: យ៉ាងហោចណាស់ មានមនុស្ស២នាក់ បានស្លាប់ និងម្នាក់ទៀតរបួសធ្ងន់ ក្នុងករណីគ្រោះថ្នាក់ចរាចរណ៍រវាងរថយន្ត២គ្រឿងបុកគ្នាពេញទំហឹង កាលពីម៉ោង១០យប់ថ្ងៃទី៨ ខែមិថុនា ឆ្នាំ២០១៨ លើផ្លូវជាតិលេខ៤ ចន្លោះបង្គោលគីឡូម៉ែត្រលេខ១៣៤-១៣៥ នៅភូមិបឹងត្រាច ឃុំចម្ការហ្លួង ស្រុកកំពង់សីលា ខេត្តព្រះសីហនុ។
គ្រោះថ្នាក់ចរាចរណ៍នេះកើតឡើងរវាងរថយន្តម៉ាកអ៊ីស៊ុយៗ ចង្កូតស្តាំ ពណ៌ទឹកប្រាក់ ពាក់ស្លាកលេខ ក្រុងព្រះសីហនុ 2A-2417 ជិះពីភ្នំពេញទៅខេត្តព្រះសីហនុ បានរេចង្កូតចូលទៅបុករថយន្តបែនម៉ាកហ៊ីយ៉ាន់ដាយ ក្បាលពណ៌ស ទ្រុងពណ៌ស ពាក់ស្លាកលេខ ព្រះសីហនុ 3A-6591 ដែលកំពុងជិះបញ្ច្រាសទិសគ្នា បណ្តាលឲ្យអ្នកជិះក្នុងរថយន្តអ៊ីស៊ុយៗមានគ្នា៣នាក់ ស្លាប់២នាក់ និងរបួសធ្ងន់ម្នាក់ ត្រូវបានកម្លាំងអាវុធហត្ថ ស្នាក់ការសនិ្តសុខ៤០២ សហការជាមួយកម្លាំងនគរបាលស្រុកកំពង់សីលា បញ្ជូនទៅមន្ទីរពេទ្យបង្អែកស្រុកស្រែអំបិល៕
មតិយោបល់