Post News Media ព័ត៌មានជាតិ រថយន្ត CRV បុ...

រថយន្ត CRV បុករបាំងថ្មលាន់ដូចរន្ទះ ផ្អើលទាំងកណ្ដាលយប់​!

ភ្នំពេញ: បុរសវ័យកណ្ដាលម្នាក់បើករថយន្ត CRV មួយគ្រឿង បោះពួយយ៉ាងលឿន ហើយបានរេចង្កូតទៅបុករបាំងថ្មពេញទំហឹង បណ្ដាលឲ្យរបួសធ្ងន់​ និងបាក់ទ្រូងផ្លូវអស់៣កង់ បង្កការភ្ញាក់ផ្អើលយ៉ាងខ្លាំង​។

ហេតុការណ៍បង្កការភ្ញាក់ផ្អើល​កាលពីវេលាម៉ោង១១និង៤០នាទីយប់ ថ្ងៃច័ន្ទ​ទី១១ ខែមិថុនា​ ឆ្នាំ២០១៨ ត្រង់ចំណុចខាងជើងរង្វង់មូលព្រះនរាយណ៍ ស្ថិតតាមបណ្តោយផ្លូវជាតិលេខ២ ស្ថិតក្នុងសង្កាត់ចាក់អង្រែក្រោម​ ខណ្ឌមានជ័យ​ រាជធានីភ្នំពេញ​។

សាក្សីដែលឃើញហេតុការណ៍ផ្ទាល់បានប្រាប់Post Newsថា​ នៅមុនពេលកើតហេតុ គេឃើញបុរសវ័យប្រហែល៥០ឆ្នាំម្នាក់ បើកបររថយន្តមួយគ្រឿងម៉ាក CRV ពណ៌ស្ករ ពាក់ស្លាកលេខភ្នំពេញ 2AA-9869 ដោយធ្វើដំណើរតាមបណ្តោយផ្លូវជាតិលេខ២ ក្នុងទិសដៅពីជើងទៅត្បូង និងក្នុងល្បឿនលឿន លុះមកដល់ចំណុចកើតហេតុរថយន្តខាងលើ រេចង្កូតទៅបុកទ្រូងផ្លូវពេទទំហឹងតែម្ដង បណ្តាលឲ្យរថយន្តរងការខូចខាតផ្នែកខាងមុខយ៉ាងដំណំ បើកទៅមុខលែងរួច និងបណ្ដាលឲ្យអ្នកបើកបរថយន្ត រងរបួសធ្ងន់​ផុងថ្ងាស ត្រូវបញ្ជូនទៅមន្ទីរពេទ្យភ្លាមៗផងដែរ​។

ក្រោយពេលកើតហេតុសមត្ថកិច្ចមូលដ្ឋានបានទាក់ទងទៅសមត្ថកិច្ចជំនាញផ្នែកចរាចរណ៍ខណ្ឌមានជ័យ ឲ្យចុះមកធ្វើការវាស់វែងស្ទូចយករង់ចាំធ្វើការដោះស្រាយគ្នានៅពេលក្រោយ៕