ភ្នំពេញ: ការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ បានឲ្យដឹងថា កាលពីថ្ងៃទី២០ ខែ មិថុនា ឆ្នាំ ២០១៨ វេលាម៉ោង ១០និង៣០ នាទី កម្លាំងជំនាញរបស់ការិយាល័យបានស្រាវជ្រាវឃាត់ខ្លួនជនសង្ស័យម្នាក់ នៅចំណុចដីឡូតិ៍គ្មានលេខ ផ្លូវលំ សង្កាត់និរោធ ខណ្ឌច្បារអំពៅ រាជធានីភ្នំពេញ ពីបទ អំពើលួចមានស្ថានទម្ងន់ទោស (ទ្រព្យសម្បត្តិ របស់ប្រជាពលរដ្ឋ) ចំនួន ១១ ករណី មានដូចខាងក្រោម ៖

ករណីទី១៖ អំពើលួចមានស្ថានទម្ងន់ ទោស (ឆក់កាបូបស្ពាយ ពណ៌ ខ្មៅ ) នៅចំណុចមុខសណ្ឋាគារ THE BRIDGE ផ្លូវស្ពានហង្ស ក្រុមទី៧៨ ភូមិទី១៤ សង្កាត់ទន្លេបាសាក់ ខណ្ឌចម្ការមន រាជធានីភ្នំពេញ កាល ពីថ្ងៃទី ០៥ ខែ មិថុនា ឆ្នាំ ២០១៨ វេលាម៉ោង ២១និង៣៥ នាទី ។
ជនរងគ្រោះ ឈ្មោះ WANG MENG ភេទ ស្រី អាយុ ៣៧ ឆ្នាំ ជនជាតិ ចិន មុខរបរ ទេសចរណ៍ -កាន់លិខិតឆ្លងដែនលេខ EB ៨៥៤០១០៤ ស្នាក់នៅបន្ទប់លេខ៧០៩ សណ្ឋាគារ កាដាលីស ផ្ទះលេខ ១០៥ ក្រុមទី១ ភូមិ១ សង្កាត់បឹងព្រលឹត ខណ្ឌ ៧មករា រាជធានីភ្នំពេញ ចុះថ្ងៃទី ២៧ ខែ ឧសភា ឆ្នាំ ២០១៨ ។ សម្ភារ:បាត់បង់ រួមមានកាបូបស្ពាយ ពណ៌ ខ្មៅ ចំនួន ០១,លិខិតឆ្លងដែនលេខ EB ៨៥៤០១០៤ ចំនួន ០១,ប្រាក់ដុល្លារចំនួន ៥០០ដុល្លារអាមេរិក, កាតATM ប្រទេសចិន ចំនួន ០១,កាត ATM ធនាគារកាណាឌីយ៉ា ចំនួន ០១,-ទូរសព្ទដៃចំនួន ០២ គ្រឿង ម៉ាក IPhone6 ពណ៌ ខ្មៅ និងម៉ាក IPone6s ពណ៌ស។

ករណីទី២៖ អំពើលួចមានស្ថានទម្ងន់ទោស (ឆក់កាបូបស្ពាយ ពណ៌ ខ្មៅ ) ចំណុចផ្លូវព្រះមុន្នីវង្ស កែងផ្លូវលេខ ១៧៤ សង្កាត់បឹងរាំង ខណ្ឌដូនពេញ រាជធានីភ្នំពេញ កាលពីថ្ងៃទី ១១ ខែ ឧសភា ឆ្នាំ ២០១៨ វេលាម៉ោងប្រហែល ៦និង១០នាទីល្ងាច ជនរងគ្រោះមិនដាក់ពាក្យបណ្តឹង។

ករណីទី៣ ៖ អំពើលួចមានស្ថានទម្ងន់ទោស (ឆក់ទូរសព្ទដៃមួយគ្រឿងម៉ាក អាយហ្វូន ៦ ) ចំណុចមុខហាងលក់សំលៀកបំពាក់យីហោលីម ហុង ផ្លូវព្រះសីហនុ សង្កាត់ចតុមុខ ខណ្ឌដូនពេញ រាជធានីភ្នំពេញ កាលពីថ្ងៃទី ១០ ខែ មិថុនា ឆ្នាំ២០១៨ វេលាម៉ោងប្រហែល ៨និង៣០នាទីយប់ ជនរងគ្រោះ មិនដាក់ពាក្យបណ្តឹង

ករណីទី៤ ៖ អំពើលួចមានស្ថានទម្ងន់ទោស (ឆក់ទូរសព្ទដៃម៉ាក អាយហ្វូន ៦ អេស ពណ៌ ផ្កាឈូក ) ចំណុចមុខបណ្ណាគារ សន្តិភាព (PBC) ផ្លូវព្រះមុន្នីវង្ស សង្កាត់បឹងត្របែក ខណ្ឌចម្ការមន រាជធានីភ្នំពេញ កាលពីថ្ងៃទី ២៧ ខែ មេសា ឆ្នាំ២០១៨ វេលាម៉ោងប្រហែល ១០និង២០នាទី យប់ ជនរងគ្រោះមិនដាក់ពាក្យបណ្តឹង

ករណីទី៥ ៖ អំពើលួចមានស្ថានទម្ងន់ទោស (ឆក់ទូរសព្ទដៃម៉ាក អាយហ្វូន ៦ ផ្លឹស ពណ៌ ប្រផេះ ) ចំណុចមុខក្រុមហ៊ុន សួយ ឆេង វិនិយោគ ផ្លូវព្រះមុន្នីវង្ស សង្កាត់បឹងព្រលិត ខណ្ឌ៧មករា រាជធានីភ្នំពេញ កាលពីថ្ងៃទី ០២ ខែ ឧសភា ឆ្នាំ២០១៨ វេលាម៉ោងប្រហែល ៩និង៤០នាទីយប់ ជនរងគ្រោះ មិនដាក់ពាក្យបណ្តឹង

ករណីទី៦ ៖ អំពើលួចមានស្ថានទម្ងន់ទោស (ឆក់កាបូបស្ពាយពណ៌ ខ្មៅ ) ចំណុច ផ្លូវលេខ ២៧១ សង្កាត់បឹងទំពុន ១ ខណ្ឌមានជ័យ រាជធានីភ្នំពេញ កាលពីថ្ងៃទី៣ ខែ មិថុនា ឆ្នាំ២០១៨ វេលាម៉ោងប្រហែល ១៩និង៣០នាទី ជនរងគ្រោះមិនដាក់ពាក្យបណ្តឹង

ករណីទី៧ ៖ អំពើលួចមានស្ថានទម្ងន់ទោស (ឆក់ទូរសព្ទដៃម៉ាក អាយហ្វូន៧ផ្លឹស ពណ៌ ខ្មៅ ) ចំណុច ផ្លូវលេខ៥១ សង្កាត់ផ្សារថ្មីទី៣ ខណ្ឌ ដូនពេញ រាជធានីភ្នំពេញ កាលពីថ្ងៃទី ១៣ ខែ មិថុនា ឆ្នាំ២០១៨ វេលាម៉ោងប្រហែល ៩យប់ ជនរងគ្រោះ មិនដាក់ពាក្យបណ្តឹង

ករណីទី៨ ៖ អំពើលួចមានស្ថានទម្ងន់ទោស (ឆក់ទូរសព្ទដៃម៉ាក សាំសុងអេស ៦ ពណ៌ ប្រផេះ ) ចំណុច ផ្លូវលេខ ១០៥ សង្កាត់ទួលទំពូង១ ខណ្ឌ ចម្ការមន រាជធានីភ្នំពេញ កាលពីថ្ងៃទី ១៥ ខែ មិថុនា ឆ្នាំ២០១៨ វេលាម៉ោងប្រហែល៥និង៣០នាទី ជនរងគ្រោះ មិនដាក់ពាក្យបណ្តឹង

ករណីទី៩ ៖ អំពើលួចមានស្ថានទម្ងន់ទោស (ឆក់កាបូបស្ពាយពណ៌ ខ្មៅ ) ចំណុច ផ្លូវលេខ ៣១០ ជិតលូទឹកស្អុយ សង្កាត់ បឹងកេងកងទី២ខណ្ឌ ចម្ការមន រាជធានីភ្នំពេញ កាលពីថ្ងៃទី ១៩ ខែ មិថុនា ឆ្នាំ២០១៨ វេលាម៉ោងប្រហែល ១រសៀល ជនរងគ្រោះ មិនដាក់ពាក្យបណ្តឹង

ករណីទី១០ ៖ អំពើលួចមានស្ថានទម្ងន់ទោស (ឆក់កាបូបស្ពាយពណ៌ ខ្មៅ ) ចំណុច ផ្លូវលេខ ២៧៤ (ផ្លូវព្រះសីហនុ) សង្កាត់ វាលវង់ ខណ្ឌ ៧មករា រាជធានីភ្នំពេញ កាលពីថ្ងៃទី ០៨ ខែ មីនា ឆ្នាំ២០១៨ វេលាម៉ោងប្រហែល៥ ជនរងគ្រោះ ជនជាតិ វៀតណាម ភេទ ស្រី មិនដាក់ពាក្យបណ្តឹង

ករណីទី១១ ៖ អំពើលួចមានស្ថានទម្ងន់ទោស (ឆក់កាបូបស្ពាយពណ៌ ខ្មៅ ) ចំណុចផ្លូវលេខ ១៦៣ សង្កាត់ទួលស្វាយព្រៃ១ ខណ្ឌ ចម្ការមន រាជធានីភ្នំពេញ កាលពីថ្ងៃទី ២៦ ខែ ឧសភា ឆ្នាំ២០១៨ វេលាម៉ោងប្រហែល៦ល្ងាច ជនរងគ្រោះ មិនដាក់ពាក្យបណ្តឹង

ជនសង្ស័យ ឈ្មោះ សោម រតន: ភេទប្រុស អាយុ ១៨ ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅផ្ទះលេខ ៦៨ ផ្លូវ៣៦៩ ភូមិ ជ្រោយបាសាក់ សង្កាត់ព្រែកប្រា ខណ្ឌច្បារអំពៅ ។

វត្ថុតាងចាប់យក ម៉ូតូម៉ាកSUZUKINEX ពណ៌ ខ្មៅ ស៊េរីឆ្នាំ២០១៨ ពាក់ស្លាកលេខ ភ្នំពេញ 1HC-5000 ។ បច្ចុប្បន្នជនសង្ស័យ និងវត្ថុតាងខាងលើ ការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមច្បាប់៕