(កំពង់ធំ)៖ រយះពេលជាង១មោ៉ង គ្រោះអគ្គិភ័យ ត្រូវបានគ្រប់គ្រងស្ថានការណ៍ទាំងស្រុង ។

នៅថ្ងៃទី១៤ ខែមេសា ឆ្នាំ២០១៦ វេលាម៉ោង ១១:១៥នាទី មានហេតុការណ៍ អគ្គិភ័យមួយបានកើតឡើង បណ្តាលឱ្យឆេះផ្ទះថ្មមួយខ្នង និងបន្តរាលទៅផ្ទះអ្នកជិតខាងមួយខ្នងទៀត ស្ថិតនៅក្នុង ភូមិទី៧ សង្កាត់កំពង់ធំ ក្រុងស្ទឹងសែន ខេត្តកំពង់ធំ ហើយមកទល់នឹងពេលនេះ សមត្ថកិច្ច គ្រប់គ្រងស្ថានការណ៍ បានហើយ។

យោងតាមរយៈ លោកឧត្តមសេនីយ៍ ជូ សំអាន ស្នងការនគរបាល ខេត្តកំពង់ធំ បានប្រាប់ Post News ឱ្យដឹងថា ករណីឆេះផ្ទះ គឺជាកម្មសិទ្ធិរបស់ មន្ត្រីនគរបាលម្នាក់ ចំនួន ១ខ្នង ទំហំ ៣,៥ x ៥ ម៉ែត្រ បណ្តាលឱ្យខូចខាតទាំងស្រុង នូវផ្ទះ និងទ្រព្យសម្បត្តិទាំងអស់ មូលហេតុ បណ្តាលមកពីភ្លើងឆេះសំរាម។ ករណីនេះ រថយន្តពន្លត់អគ្គីភ័យ បានជួយអន្តរាគមន៍ ពន្លត់ និងទប់ស្កាត់បាន លើស្ថានការនៃការឆេះរាលបន្គគ្នានេះ៕