Post News Media ព័ត៌មានជាតិ រថយន្តកុងតឺន័...

រថយន្តកុងតឺន័រដឹកឥដ្ឋការ៉ូបួងចង្កូត ហើបកង់មុខក្រឡាប់ផ្ងារជើងទាំងព្រឹក!..

ភ្នំពេញ: រថយន្តកុងតឺន័រដឹកឥដ្ឋការ៉ូមួយគ្រឿងបានក្រឡាប់ផ្ងារជើង ខណ:ដល់បើកមកដល់រង្វង់មូលបានបួងចង្កូតបត់ទៅផ្លូវត្រង់ហើបកង់មុខ បណ្តាលឲ្យក្រឡាប់ផ្ងារជើងខូចខាតរថយន្តអ្នកបើករងរបួសស្រាល។

ហេតុការគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៨និង១៨នាទីព្រឹក ថ្ងៃទី២៥ ខែមិថុនា ឆ្នាំ២០១៨ ស្ថិតនៅតាមបណ្តោយវិថីឈ្នះឈ្នះ ចំណុចរង្វង់មូលទី១ ភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។

រថយន្តកុងតឺន័រខាងលើ ពណ៌បៃតង លាយស្លាទុំ ពាក់ស្លាកលេខភ្នំពេញ3C-7340 បើកដោយឈ្មោះ សៅ ពិសិទ្ធ ភេទប្រុស អាយុ៣១ឆ្នាំមានទីលំនៅភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។

ប្រភពព័ត៌មានពីអ្នកបើករថយន្តខាងលើ បានឲ្យដឹងថា នៅមុនពេលកើតហេតុ រូបគេបានរថយន្តតាមផ្លូវខាងលើទិសដៅពីលិចទៅកើត ខណ:ដែលមកដល់រវង្វង់មូលដែលជាចំណុចកើតហេតុ បានបួងចង្កូតបត់មកឆ្វេងរកផ្លូវត្រង់ ខណ:នោះរថយន្តបានហើបកង់មុខក៏ក្រឡាប់តែម្តង។

ប្រភពបន្តថាក្នុងករណីនេះមិនមានគ្រោះថ្នាក់ដល់អ្នកដទៃទេមានតែរូបលោកម្នាក់របួសស្រាលជើងឆ្វេង។
ក្រោយកើតហេតុភាគីរថយន្តបានទាក់ទង់រថយន្តស្ទូចយកទៅជួសជុលដោយខ្លួនឯង៕

Loading...