ប៉ៃលិនៈ នៅថ្ងៃសៅរ៍ ០៩កើត ខែទុតិយាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២១ ខែកក្កដា ឆ្នាំ២០១៨ លោកឧត្ដមសេនីយ៍ទោ ជា ចាន់ឌិន ស្នងការ នៃស្នងការដ្ឋាននគរបាលខេត្ដប៉ៃលិន បាតចាត់ឲ្យក្រុមត្រួតពិនិត្យអាវុធគ្រឿងផ្ទុះ ចរាចរណ៍ និងគ្រឿងញៀន ដែលដឹកនាំកម្លាំងដោយលោកឧត្ដមសេនីយ៍ត្រី ស៊ិន សុភាលក្ម្សី ស្នងការរងទទួលផែនអាវុធគ្រឿងផ្ទុះ និងអគ្គិភ័យ និងលោកវរៈសេនីយ៍ឯក ស៊ុ សុផល ស្នងការរងទទួលផែនសណ្ដាប់ធ្នាប់ សហកាជាមួយកងរាជអាវុធហត្ថ និងមន្ទីសាធារណៈការ ចុះត្រួតពិនិត្យ នៅលើផ្លូវជាតិលេខ ៥៧ ស្ថិតក្នុងភូមិដីក្រហម សង្កាត់អូតាវៅ ក្រុងប៉ៃលិន ខេត្ដប៉ៃលិន។

រហូតមកទល់រសៀលថ្ងៃខែឆ្នាំដដែល ក្នុងកិច្ចសហប្រតិបត្តិការត្រួតពិនិត្យខាងលើដកហូតបាន៖
អាវុធខ្លី K45 ១ដើម គ្មានលិខិតបញ្ជាក់,ម៉ូតូ១គ្រឿង,ថ្នាំញៀន១កញ្ចប់ និងផាកពិន័យរថយន្តចំនួន២គ្រឿង ឈៀកផុតកំណត់៕