ភ្នំពេញ: រថយន្ដម៉ាកតូរ៉ីកមួយគ្រឿង បើកលឿនដូចព្យុះ ជាន់ហ្រ្វាំងមិនទាន់ក៏ជ្រុលទៅបុករថយន្ដម៉ាកស៊ី អ.វី មួយគ្រឿងយ៉ាងពេញទំហឹង បណ្ដាលរថយន្ដទាំងពីរងការខូចខាចយ៉ាងដំណុំ កាលពីវេលាម៉ោង១០និង០០នាទីយប់ថ្ងៃទី២៦ ខែមិថុនា ឆ្នាំ២០១៦ នៅតាមបណ្ដោយផ្លូវលេខ៤៣២កែងនិងផ្លូវលេខ១៦៣ ស្ថិតក្នុងសង្កាត់ទួលទំពូង១ ខណ្ឌចម្ការមន។
តាមប្រភពព័ត៌មានបានឲ្យដឹងថា មុនពេលកើតហេតុ គេឃើញរថយន្ដតូរ៉ីកមួយគ្រឿង ពណ៌លឿង ស្លាក់លេខភ្នំពេញ2AG-3550 បើកបរដោយបុរសម្នាក់ធ្វើដំណើរយ៉ាងលឿនតាមបណ្ដោយផ្លូវ១៦៣ ទិសដៅពីត្បូងទៅជើង ខណ:មកដល់ចំណុចកើតហេតុ ផ្លូវបែកជា៤ ជាន់ហ្រ្វាងអត់ទាន់ក៏ជ្រុលទៅបុករថយន្ដម៉ាកស៊ី អ.វី មួយគ្រឿង ពណ៌ទឹកប្រាក់ ពាក់ស្លាកលេខភ្នំពេញ2U-5741 មានមនុស្សប្រុសស្រី ៤នាក់ ធ្វើដំណើរតាមបណ្ដោយផ្លូវលេខ៤៣២ ក្នុងទិសដៅពីលិចទៅកើត បណ្ដាលឲ្យរថយន្ដទាំង២រងការខូចខាច។
ក្រោយពេលកើងហេតុ សមត្ថកិច្ចបានចុះអន្តរាគមន៍ ដោយធ្វើការសម្របសម្រួលភាគីទាំងសងខាង ដោយភាគីរថយន្ដតូរ៉ីកដឹងកំហុសក៏សូមទោសហើយព្រមចេញថ្លៃជួសជុលឲ្យម្ចាស់រថយន្ដស៊ីអ.វី ដើម្បីបញ្ចប់រឿងនៅកន្លែងកើតហេតុ៕
មតិយោបល់