Post News Media ព័ត៌មានជាតិ ឪពុកចុងឫស្យា ...

ឪពុកចុងឫស្យា ឆីព្រហ្មចារីកូនមិនប្រណី រួចបង្ខាំងទុកបំពេញតណ្ហា

​កោះកុង: ដោយសារតែ​ទ្រាំង​នឹង​ការ​ធ្វើបាប​ លែង​បាន ស្ត្រី​ជា​ប្រពន្ធ​ម្នាក់ ​បាន​រត់​ទៅប្តឹង​សមត្ថកិច្ច​ស្រុក​ស្មាច់មានជ័យ​ ឲ្យ​ជួយ​អន្តរាគមន៍​ចាប់ខ្លួន​ប្តី​ខ្លួនឯង ក្រោយពី​ប្តី​រូបនេះ​ បាន​រំលោភ​កូនចុង រួច​គំរាមកំហែង និង​បង្ខាំង​ទុក​រូបនាង​ និង​កូន​មិន​ឲ្យ​ទៅណា​ទៀត​។​

​ករណីនេះ​បានកើត​ឡើង​កាលពី​យប់​ថ្ងៃទី​២៥មិថុនា ចុង​សប្តាហ៍​នេះ ក្រោយ​សមត្ថកិច្ច​បាន​ឃាត់ខ្លួន​ជនសង្ស័យ​ជា​ឪពុក​នោះ នៅ​​​ចំនុច​ផ្ទះជួល​ស្ថិត​ក្នុងភូមិ​៣ សង្កាត់​ស្មាច់មានជ័យ ក្រុង​ខេ​មរ​ភូមិន្ទ ខេត្តកោះកុង ទៅតាម​ពាក្យបណ្តឹង​របស់​ប្រពន្ធ​និង​ម្តាយ​រូបនោះ​។​

​ នៅក្នុង​ពាក្យបណ្តឹង​ ស្ត្រី​ជា​ប្រពន្ធ ឈ្មោះ គឿន វាសនា អាយុ​៣៥​ឆ្នាំ មុខរបរ​ធ្វើ​ការ៉េម បាន​ប្តឹង​ទៅលើ​ឈ្មោះ ឡោ សា​រ៉ា​យ ជា​ប្តី អាយុ​៣៦​ឆ្នាំ មុខរបរ​លក់​ការ៉េម ថា​ បាន​ប្រើ​អំពើ​ហិ​ង្សា​មកលើ​គ្រួសារ​ជា​ញឹកញាប់ និង​គំរាមកំហែង​ខ្លួន និង​កូនស្រី ព្រមទាំង​ចាក់​សោរ​បន្ទប់​បង្ខាំង​មិន​ឲ្យ​ទៅណា​ទៀត​។​

​ពាក្យបណ្តឹង​បាន​ចោទថា ជនសង្ស័យ ឡោ សា​រ៉ា​យ បាន​ចាប់រំលោភ​កូនស្រី​ចុង​របស់ខ្លួន បាន​សម្រេច​៥​ទៅ​៦​លើក​រួចមកហើយ​នៅឯ​ខេត្តកំពង់ចាម រហូតមកដល់​ខេត្តកោះកុង​ជនសង្ស័យ​ដែល​ជា​ឪពុកចុង​ល្មោភកាម​រូបនេះ​បាន​ចាប់រំលោភ​នាង​ម្តងទៀត។​

​ដោយ​ទ្រាំលែងបាន ទើប​ស្ត្រី​ជា​ប្រពន្ធ​សុំ​ជនសង្ស័យ​ជា​ប្តី​ទៅ​ទិញ​កាត​ទូរស័ព្ទ​ដើម្បី​ខ​ល​ទៅលេង​ស្រុកកំណើត ហើយក៏​មាន​ពេល​រត់​ទៅប្តឹង​សមត្ថកិច្ច​តែម្តង។​ បច្ចុប្បន្ន​ ជនសង្ស័យ​ត្រូវបាន​សមត្ថកិច្ច​នគរ​បាល​ក្រុង​ខេ​មរ​ភូមិន្ទ​ធ្វើការ​ឃុំខ្លួន​បណ្តោះអាសន្ន ​ដើម្បី​កសាង​សំណុំរឿង​បញ្ជូន​ខ្លួន​ជនសង្ស័យ​ទៅកាន់​ការិយាល័យ​កណ្តាល​ចាត់ការ​បន្ត​។

សូមបញ្ជាក់ថា ក្មេងស្រី​រងគ្រោះ មាន​អាយុ​១៥​ឆ្នាំ ហើយក៏​មានមុខ​របរ​ជា​អ្នកលក់​ស្រា​បៀរ​នៅ​ក្លឹប​អ៊ិ​ច​ស្តា រស់នៅ​ផ្ទះ​ជាមួយ​ម្តាយ និង​ឪពុកចុង​៕

Loading...