សៀមរាបៈ កាលពីវេលាម៉ោង៧យប់ ថ្ងៃទី៤ ខែតុលា ឆ្នាំ២០១៨ មានករណីគ្រោះថ្នាក់ចរាចរណ៍មួយបានកើតឡើង ដោយមានជនជាតិថៃ២នាក់ បានជិះម៉ូតូធំមួយគ្រឿង បានជិះស្របទិសគ្នាពីជើងទៅត្បូង ទៅបុកគោយន្តកន្ត្រៃចំពីក្រោយពេញទំហឹង បណ្តាលឲ្យរបួសធ្ងន់និងស្រាល នៅភូមិខ្វែក ឃុំមោង ស្រុកស្រីស្នំ ខេត្តសៀមរាប។
ក្រោយកើតហេតុ ជនរងគ្រោះទាំង២នាក់ដែលរងរបួសត្រូវបានបញ្ជូនទៅសង្គ្រោះព្យាបាលនៅមន្ទីរពេទ្យនៅថៃវិញ ។ ចំណែកម៉ូតូនិងគោយន្តត្រូវបានសមត្ថកិច្ចយកទៅរក្សាទុករង់ចាំដោះស្រាយគ្នាតាមច្បាប់បន្តទៀត៕
មតិយោបល់