Post News Media ព័ត៌មានជាតិ យុវជន ៣នាក់ ជ...

យុវជន ៣នាក់ ជិះម៉ូតូបោះពួយយ៉ាងលឿន ជ្រុល​ចង្កូត​ទៅ​បុក​បង្កាន់ដៃស្ពាន​ភ្លោះ ស្លាប់ និងរបួស ៣នាក់

កំពត: ​ករណី​គ្រោះថ្នាក់​ចរាចរ​ដ៏​រន្ធត់​មួយ​ បង្ក​ឡើង​ដោយ​យុវជន​៣ នាក់​ជិះ​ម៉ូតូ​ម៉ាក​សេ​១២៥ ពណ៌​ខ្មៅ ស៊េរី​ឆ្នាំ​២០១៥ ពាក់​ស្លាក​លេខ កំពត ១L-១៨៤៩ ឌុ​ប​គ្នា​ក្នុង​ល្បឿន​លឿន ក៏​ជ្រុល​ចង្កូត​ទៅ​បុក​បង្កាន់ដៃស្ពាន​ភ្លោះ​ បណ្ដាលឲ្យស្លាប់២នាក់ និងរបួសម្នាក់ នៅលើ​ផ្លូវជាតិ​លេខ​៤១ (​អង្គឌួង​)​ចន្លោះ​គីឡូម៉ែត្រ​លេខ​៥៥-៥៦ ត្រង់​ចំណុច​ស្ពាន​ភ្លោះ ស្ថិត​ក្នុងភូមិ​ខ្ពប​រុន ឃុំ​ស្រែ​ចែង ស្រុក​ជុំ​គី​រី កាលពី​វេលា​ម៉ោង ១១​និង​១៥​នាទី​ថ្ងៃត្រង់ ថ្ងៃ​ទី​៧ ខែតុលា ឆ្នាំ​២០១៨។

ជន​រង​គ្រោះ​ទី១ឈ្មោះ ភាព ភេទ​ប្រុស អាយុ​១៧​ឆ្នាំ រង​របួសធ្ងន់​ ត្រូវ​បាន​សាច់ញាតិ​ដឹក​ទៅ​សង្គ្រោះ​នៅ​មន្ទីរពេទ្យ​បង្អែក​ខេត្ត​ភ្លាម​ៗ ចំណែក​អ្នក​រួម​ដំណើរ​២​នាក់ទៀត ទី​១- ឈ្មោះ ហូ ថុ​ល ភេទ​ប្រុស អាយុ​១៧​ឆ្នាំ (​ស្លាប់​) និង​ទី​២-​ឈ្មោះ ថន ង៉ែត ភេទ​ប្រុស អាយុ​១៣​ឆ្នាំ (ស្លាប់) អ្នកទាំងបីនាក់ មាន​ទីលំនៅ​ភូមិ​ពងទឹក ឃុំ​ស្រែ​ចែង ស្រុក​ជុំ​គី​រី ខេត្តកំពត។

សមត្ថកិច្ចបានឲ្យដឹងថា ​ករណី​​គ្រោះថ្នាក់​ គឺបង្កទ្បើងដោយ​ខ្លួនឯង ហើយបានបណ្តាល​ឲ្យ​យុវជន​២ នាក់​ស្លាប់​នៅ​កន្លែង​កើតហេតុ​ភ្លាម​ៗ និង​ម្នាក់​រង​របួសធ្ងន់​ ត្រូវ​បាន​ក្រុម​គ្រួសារ​ដឹក​ទៅ​សង្គ្រោះ​នៅ​មន្ទីរពេទ្យ​បង្អែក​ខេត្ត។​

បច្ចុប្បន្ន​សពជនរងគ្រោះ ​ត្រូវ​បាន​សមត្ថកិច្ច​ទំនាក់ទំនង​ក្រុម​គ្រួសារ​ឲ្យ​មក​ដឹក​ទៅ​តាម​គេហដ្ឋាន​ ដើម្បី​រៀបចំ​ធ្វើបុណ្យ​តាម​ប្រពៃណី៕

Loading...