ប៉ៃលិនៈ កាលពីថ្ងៃទី១៧ ខែ កញ្ញា ឆ្នាំ ២០១៨ បានទទួលពាក្យបណ្តឹងពីជនរងគ្រោះឈ្មោះ រិន វីរះ ភេទ ប្រុស អាយុ ១៨ឆ្នាំ រស់នៅភូមិថ្មី សង្កាត់ទួលល្វា ក្រុងប៉ៃលិន ខេត្តប៉ៃលិន បានប្តឹងពីករណីបាត់ម៉ូតូមួយគ្រឿងម៉ាកហុងដាទ្រីម ស៊េរី២០១៤ ពណ៌ខ្មៅ ពាក់ស្លាកលេខ ប៉ៃលិន1B-2201 នៅវេលាម៉ោង២:០០នាទីរំលងអធ្រាត្រ ក្រោយមកលោកវរសេនីយ៍ត្រី យ៉ែម សារិទ្ធ អធិការនគរបាលក្រុងប៉ៃលិនបានបញ្ជាឲ្យផ្នែកជំនាញ និងប៉ុស្តិ៍នគរបាលធ្វើការស្រាវជ្រាវ រហូតមកដល់ នៅថ្ងៃ សៅរ៍ ៤កើត ខែ អស្សុជ ឆ្នាំ ច ព.ស ២៥៦២ ត្រូវថ្ងៃទី ១៣ ខែ តុលា ឆ្នាំ ២០១៨ វេលាម៉ោង១និង៣០នាទី ដោយមានការរាយការណ៍ពីប្រជាការពារភូមិថ្មី លោកវរសេនីយ៍ត្រីយ៉ែម សារិទ្ធ អធិការនគរបាក្រុងប៉ៃលិនបានដឹកនាំកម្លាំងប៉ុស្តិ៍ទួលល្វា និងប៉ុស្តិ៍អូរតាវ៉ៅ ព្រមជាមួយប្រជាការពារភូមិព្រៃមង្គល់ចុះ បង្ក្រាបករណីលួចម៉ូតូមួយលើក នឹងឃាត់បានជនសង្ស័យម្នាក់ឈ្មោះ ប៉ាត ភន ភេទ ប្រុស អាយុ ៣៧ឆ្នាំ មុខរបរ ធ្វើចំការ រស់នៅភូមិថ្មី សង្កាត់ ទួលល្វា ក្រុងប៉ៃលិន ខេត្តប៉ៃលិន នៅចំណុចផ្ទះប្រជាពលរដ្ឋក្បែរអូរដើមស្ពង់ភូមិព្រៃមង្គល សង្កាត់ អូរតាវ៉ៅ ក្រុងប៉ៃលិន ខេតប៉ៃលិនរួមជាមួយម៉ូតូមួយគ្រឿងយកមកកាន់អធិការដ្ឋាននគបាលក្រុងប៉ៃលិនដើម្បីកសាងសំណុំរឿងចាត់ការតាមនីតិវិធីច្បាប់៕
មតិយោបល់