ភ្នំពេញៈ មុខសញ្ញាប្រើប្រាស់ និងជួញដូរគ្រឿងញៀន២នាក់ត្រូវបានកម្លាំងនគរបាលខណ្ឌដូនពេញបង្ក្រាបបាននៅប្លុកអតីតៈរោងចក្រឆ្នាំងផ្លូវរថភ្លើងភូមិ២ ក្នុងសង្កាត់ស្រះចកខណ្ឌដូនពេញ។

សមត្ថកិច្ចបានឲ្យដឹងថា ជនសង្ស័យទី១ឈ្មោះខន សៅគុណ ភេទប្រុស អាយុ២៤ឆ្នាំ។ ទី២.ឈ្មោះ ដាំ បញ្ញា ភេទប្រុស អាយុ២៦ឆ្នាំ មុខរបរកម្មករសំណង់ដូចគ្នា និងស្នាក់នៅសង្កាត់ស្ទឹងមានជ័យខណ្ឌដូនពេញ។ ត្រូវបានដកហូតវត្ថុតាងថ្នាំញៀនម៉ាទឹកកក១កញ្ចប់ និងទូរស័ព្ទ៣គ្រឿងម៉ូតូC១២៥មួយគ្រឿង។

ប្រភពព័ត៌មានបានបន្តទៀតថា មុនពេលឃាត់ខ្លួនជនសង្ស័យ២នាក់នោះ គឺកម្លាំងនគរបាលខណ្ឌដូនពេញបានចេញល្បាតទប់ស្កាត់ពួនស្ទាក់គ្រប់រូបភាព ដើម្បីឈានដល់ការចាប់បង្រ្កាបទាន់វេលា។ ជាពិសេសនៅប្លុកអតីតរោងចក្រឆ្នាំនោះជាកន្លែងជនសង្ស័យតែងតែទៅធ្វើសកម្មភាព ដូចជាជក់ និងជួញដូរគ្រឿងញៀននោះដូច្នេះហើយកម្លាំងជំនាញបានចេញល្បាតដល់ចំណុចកើតហេតុនោះបានជួបនិងជនសង្ស័យ២នាក់ កំពុងឈប់ម៉ូតូដោយមានការសង្ស័យក៏ត្រួតពិនិត្យឃើញមានលាក់ទុកថ្នាំញៀន១កញ្ចប់ នៅជាប់ខ្លួន ដើម្បីយកទៅប្រើប្រាស់នោះក៏មកសាកសួរនៅអធិការនគរបាលខណ្ឌដូនពេញដើម្បីកសាងសំណុំរឿងបញ្ជូនទៅតុលាការ៕