កំពតៈ កាលពីវេលាម៉ោង៨និង៤៦នាទីព្រឹក ថ្ងៃទី២៧ ខែវិច្ឆិកា ឆ្នាំ២០១៨ មានករណីស្រ្តីម្នាក់ឆក់ខ្សែភ្លើងស្លាប់នៅមុខបន្ទប់ទឹកក្នុងផ្ទះរបស់ខ្លួន នៅភូមិសុវណ្ណសាគរ សង្កាត់កំពង់កណ្តាល ក្រុងកំពត ខេត្តកំពត។
ជនរងគ្រោះឈ្មោះ ស៊ឹម សុទី ភេទស្រី អាយុ៣៨ឆ្នាំ (ជនរងគ្រោះមានជំងឺខ្សោយងងឹតមុខ តាមការបំភ្លឺរបស់សាច់ញាតិ)មានទីលំនៅភូមិសង្កាត់កើតហេតុ។
មូលហេតុ ជនរងគ្រោះងើបចេញពីបន្ទប់ទឹក ងងឹតមុខស្រវ៉ា ទាញដាច់ខ្សែភ្លើងកុងតាក់បន្ទប់ទឹក(ខ្សែតូច)ឆក់ដួលស្លាប់មុខបន្ទប់ទឹកតែម្តង រយៈពេល៣០នាទីក្រោយទើបសាច់ញាតិដឹងក៏បញ្ជូនមកមន្ទីរពេទ្យ ដើម្បីសង្គ្រោះតែជនរងគ្រោះស្លាប់បាត់ទៅហើយ។
បច្ចុប្បន្ន សាកសពត្រូវក្រុមគ្រួសារយកទៅរៀបចំធ្វើបុណ្យតាមប្រពៃណី នៅភូមិ អូរតូច សង្កាត់អណ្តូងខ្មែរ ក្រុងកំពត ខេត្តកំពត៕
មតិយោបល់