ភ្នំពេញៈ នៅវេលាម៉ោង៤និង៣០នាទីទៀបភ្លឺ ថ្ងៃទី២៩ ខែវិច្ឆិកា ឆ្នាំ ២០១៨ មានករណីគ្រោះថ្នាក់ចរាចរណ៍Mercedes 4Matic បើកមិនមើលស្លាកសញ្ញាចរាចរណ៍ ក្នុងល្បឿនលឿន ទៅរថយន្តLEXUS RX300 បណ្ដាលរងការខូចខាត នៅផ្លូវបែកជាបួន លេខ២៩៤កែងផ្លូវលេខ៥៧ សង្កាត់បឹងកេងកងទី១ ខណ្ឌចំការមន រាជធានីភ្នំពេញ។
រថយន្តបង្កស៊េរីទំនើបម៉ាក Mercedes ពណ៌ស ពាក់ស្លាកលេខ ភ្នំពេញ2BF-6888 បើកបរដោយបុរសខ្មែរម្នាក់ ដឹកជនជាតិចិនជាម្ចាស់រថយន្ត។ ចំណែករថយន្តLexus RX3០0 ពណ៌ស ពាក់ស្លាកលេខ ភ្នំពេញ2AS-0818បើកបរដោយបុរសម្នាក់។
ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ រួចឲ្យភាគីទាំងសងខាងធ្វើការសម្របសម្រួលគ្នា តែនិយាយមិនត្រូវគ្នា ទើបសមត្ថកិច្ចធ្វើការវាស់វែងនាំយករថយន្តទាំង២គ្រឿងទៅរក្សាទុកបណ្ដោះអាសន្ន នៅអធិការដ្ឋាននគរបាលខណ្ឌចំការមន រង់ចាំដោះស្រាយបន្តតាមផ្លូវច្បាប់៕
មតិយោបល់