រតនគិរី: មានករណីគ្រោះថ្នាក់ចរាចរណ៍មួយបានកើតឡើង ដោយបុរសម្នាក់ជាកងរាជអាវុធហត្ថស្រុកអូរយ៉ាដាវ បានបើករថយន្តម៉ាកហាយប្រីត ពណ៌ទឹកមាស ពាក់ស្លាកលេខ ភ្នំពេញ 2V-9836 លឿនពេកជ្រុលចង្កូតទៅបុករថយន្តកូរ៉ូឡា ពណ៌ទឹកមាស ពាក់ស្លាកលេខភ្នំពេញ 2F -9386កំពុងបើកបរដោយមន្ត្រីនគរបាលម្នាក់ ជាជនជាតិច្រាយ បណ្តាលឲ្យរងការខូចខាតយ៉ាងដំណំ ហើយជ្រុលទៅបុកម៉ូតូមួយគ្រឿងទៀតម៉ាកWAVE ពណ៌ខ្មៅ ពាក់ស្លាកលេខភ្នំពេញ 1AD -8640 កំពុងធ្វើដំណើរបញ្ច្រាសទិសគ្នា បណ្តាលឲ្យអ្នកជិះម៉ូតូ៣នាក់របួសធ្ងន់ និងស្រាល ។
ករណីនេះកើតឡើងនៅម៉ោង៣រសៀល ថ្ងៃទី២ ខែធ្នូ ឆ្នាំ២០១៨ ផ្លូវជាតិលេខ៧៨ ក្នុងភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី។
ក្រោយកើតហេតុសមត្ថកិច្ចបានធ្វើការវាស់វែង យកវត្ថុតាងទាំង៣គ្រឿងទៅរក្សាទុក រង់ចាំធ្វើការដោះស្រាយតាមច្បាប់៕
មតិយោបល់