ព្រះសីហនុ: ជនសង្ស័យម្នាក់ ត្រូវបានសមត្ថកិច្ចធ្វើការឃាត់ខ្លួន ខណ:ដែលធ្វើសកម្មភាព លួចយកកាបូបលុយរបស់អ្នកលក់ដូរមួយកន្លែង។
ហេតុការណ៍នេះកើតឡើងនៅម៉ោង៩ព្រឹក ថ្ងៃទី១១ ខែធ្នូ ឆ្នាំ២០១៨ ភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ។
ក្រោយពេលទទួលបានព័ត៌មាននេះភ្លាម សមត្ថកិច្ចនគរបាលស្រុកព្រៃនប់ ដឹកនាំដោយលោកវរសេនីយ៍ទោហួ យ៉ៃ បានធ្វើការ ស្រាវជ្រាវរកឃើញ និងចាប់ខ្លួនមុខសញ្ញាបានភ្លាមផងដែរ។
ជនសង្ស័យមានឈ្មោះ លឹម តៃ ភេទប្រុស អាយុ២០ឆ្នាំ មុខរបរកម្មករសំណង់ មានទីលំនៅដូចកន្លែងកើតហេតុ។
ចំណែកម្ចាស់សម្ភារ: ឈ្មោះ គុណ អៀ ភេទស្រី អាយុ៥៧ឆ្នាំ មុខរបរលក់ដូរ មានទីលំនៅដូចកន្លែងកើតហេតុ ដែលបានទុកក្នុងតូបមុខផ្ទះ ។
ក្នុងនោះដែរ ក្រោយពេលឃាត់ខ្លួន សមត្ថកិច្ចដកហូតបានវត្ថុតាង មាន៖ ជញ្ជៀន៤វង់ , ខ្សែដៃ១ខ្សែ , ក្រវិល១គូ , ត្បូងតូចៗ ៨ គ្រាប់, ប្រាក់១៥០ដុល្លារ និងម៉ូតូ១គ្រឿង ជារបស់ជនសង្ស័យ។
បច្ចុប្បន្នជនសង្ស័យខាងលើ ត្រូវបានសមត្ថកិច្ចស្រុកព្រៃនប់ កសាងសំណុំរឿង បញ្ជូនខ្លួនទៅកាន់សាលាដំបូងខេត្ត ចាត់ការតាមច្បាប់៕
មតិយោបល់