កំពង់ឆ្នាំង: ជនសង្ស័យម្នាក់ ត្រូវបានសមត្ថកិច្ចឃាត់ខ្លួន ពាក់ព័ន្ធករណីចាប់រំលោភសេពសន្ថវ:ទៅលើក្មេងស្រីអាយុ១៥ឆ្នាំ ហើយត្រូវបានគ្រួសារជនរងគ្រោះប្តឹងទាមទារសំណងជំងឺចិត្តចំនួន៣០០០ដុល្លារ តែខាងជនសង្ស័យព្រមសងតែ២៥០០ដុល្លារ ដោយយកជាការបង់រំលោះក្នុងមួយខែ១០០ដុល្លារ ប៉ុន្តែដោះស្រាយមិនចេញ ទើបសមត្ថកិច្ចសម្រេចចាត់ការតាមច្បាប់តែម្តង។
ករណីនេះកើតឡើងនៅថ្ងៃទី១០ ខែធ្នូ ឆ្នាំ២០១៨ នៅភូមិតាវ៉ាក ឃុំព្រៃមូល ស្រុករលាប្អៀរ ខេត្តកំពង់ឆ្នាំង។
ជនសង្ស័យខាងលើមានឈ្មោះ តុង ពុទ្ធី ហៅអាព្រលិត។ ចំណែកជនរងគ្រោះមានអាយុ១៥ឆ្នាំ។
សូមបញ្ជាក់ថា បច្ចុប្បន្នជនសង្ស័យខាងលើ ត្រូវបានសមត្ថកិច្ចធ្វើការឃាត់ខ្លួន និងសាកសួរ ហើយកសាងសំណុំរឿងបញ្ជូនខ្លួនទៅកាន់ការិយាល័យជួញដូរមនុស្សនិងការពារអនីតិជននៃស្នងការដ្ឋាននគរបាលខេត្តកំពង់ឆ្នាំង ចាត់ការតាមនីតិវិធីច្បាប់ ៕
មតិយោបល់