បន្ទាយមានជ័យៈ កាលពីវេលាម៉ោង៦និង២០នាទីយប់ ថ្ងៃទី១២ ខែធ្នូ ឆ្នាំ២០១៨ មានករណីគ្រោះថ្នាក់ចរាចរណ៍រវាងម៉ូតូបុកកង់ បណ្តាលឲ្យលោកតាម្នាក់រងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ នៅមុខមន្ទីរអប់រំយុវជន និងកីឡាខេត្ត ភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
លោកតាខាងលើមានឈ្មោះ ណក ហម អាយុ៨០ឆ្នាំ នៅភូមិសូភីសង្កាត់កើតហេតុ។ ចំណែកអ្នកបើកម៉ូតូ ឈ្មោះ តូ ប៊ុនណារ៉ូ អាយុ១៧ឆ្នាំ នៅភូមិជំទាវ ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ៕
មតិយោបល់