ភ្នំពេញៈ កាលពីវេលាម៉ោង២និង២០នាទីរសៀល ថ្ងៃទី១៥ ខែធ្នូ ឆ្នាំ២០១៨ មានករណីគ្រោះថ្នាក់ចរាចរណ៍ រថយន្តរដ្ឋាករស្វយ័តដឹកជញ្ជូនសាធារណ:រថយន្តក្រុងមួយគ្រឿង បើកបុករះរថយន្តនិងម៉ូតូជាច្រើនគ្រឿងទៀត បណ្តាលឲ្យស្លាប់បុរសម្នាក់ និងរងរបួសជាច្រើននាក់ទៀត នៅតាមបណ្ដោយផ្លូវលេខ៣៧១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ។
ជនបង្កមានឈ្មោះ ស៊ីម ណាត ភេទ ប្រុស អាយុ៤៧ឆ្នាំ មុខរបរបើកបររថយន្តក្រុង ស្នាក់នៅភូមិត្រពាំងឈូក ឃុំសូរភី ស្រុកបាទី ខេត្តតាកែវ។ ជនរងគ្រោះមានឈ្មោះ នៅ វណ្ណឌី ភេទប្រុស អាយុ៣៦ឆ្នាំ មុខរបរបុគ្គលិកធនាគារ ស្នាក់នៅផ្ទះលេខ១៧អា ផ្លូវ ៣៣បេតេ ភូមិសន្សំកុសល៣ សង្កាត់បឹងទំពុន ខណ្ឌមានជ័យ រាជធានីភ្នំពេញ និងអ្នករងគ្រោះផ្សេងទៀតមិនត្រូវបានគេស្គាល់អត្តសញ្ញាណនៅឡើយទេ។
បច្ចុប្បន្ន អ្នកបើកបររថយន្តបង្ក ព្រមទាំងរថយន្ត និងម៉ូតូ ត្រូវបានសមត្ថកិច្ចនាំយកទៅរក្សាទុក នៅការិយាល័យជំនាញចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ។ ចំណែកសាក សព ប្រគល់ឲ្យទៅក្រុមគ្រួសារ យកទៅធ្វើបុណ្យតាមប្រពៃណី៕
មតិយោបល់