ភ្នំពេញៈ ជនសង្ស័យម្នាក់បានធ្វើសកម្មភាពលួចកង់បានសម្រេច២ដង យកទៅបាត់ស្រាប់តែម្ចាស់ប្រទេះឃើញចាប់យកមកប្រគល់ឲ្យសមត្ថកិច្ច កាលពីវេលាម៉ោង១២ថ្ងៃត្រង់ ថ្ងៃទី១៧ ខែធ្នូ ឆ្នាំ២០១៨ នៅភូមិព្រៃព្រីងខាងត្បូង សង្កាត់ចោមចៅទី៣ ខណ្ឌពោធិ៍សែនជ័យរាជធានីភ្នំពេញ។
ជនសង្ស័យឈ្មោះ ហេង ភេទប្រុស អាយុ១៨ឆ្នាំ មុខរបរមិនពិតប្រាកដ។
តាមជនរងគ្រោះបានឲ្យដឹងថា មុនពេលកើតហេតុរួបគាត់បានចាក់សោរបងផ្ទះហើយទៅហែរជំនូនការបងប្អូនបាត់ លុះពេលមកវិញក៏បានបាត់កង់ចំនួន២គ្រឿងហើយបានសួរនាំអ្នកជិតខាងដោយប្រាប់ថាឃើញមានជនសង្ស័យម្នាក់មកយកចេញទៅទើបដើររករហូតប្រទះឃើញនិងឃាត់ខ្លួនសួរនាំដឹងរឿងនាំយកមកប្រគល់ឲ្យសមត្ថកិច្ចតែម្តង។
ជនសង្ស័យនៅចំពោះមុខសមត្ថកិច្ចបានសារភាពថា ខ្លួនពិតជាបានលួចកង់ពិតប្រកដមែន ទើបសមត្ថកិច្ចកសាងសំណុំរឿងបញ្ជូនទៅអធិការដ្ឋាននគបាលខណ្ឌពោធិ៍សែនជ័យរងចាំចាត់ការបន្ត៕
មតិយោបល់