Post News Media ព័ត៌មានជាតិ ​ស្វាគមន៍ថ្ងៃ...

​ស្វាគមន៍ថ្ងៃសម្ភោធទីចាត់ការថ្មី! សិស្សវិទ្យាល័យភ្ញីមាសដេញកាប់សិស្សវិទ្យាល័យព្រៃល្វា រងរបួសធ្ងន់២នាក់ នៅស្រុកព្រៃកប្បាស

​តាកែវ: កាលពីវេលាម៉ោង៥ល្ងាច ថ្ងៃទី១៧ ខែធ្នូ ឆ្នាំ២០១៨ មានករណីសិស្ស​វិទ្យាល័យព្រៃល្វា២នាក់
ត្រូវសិស្សវិទ្យាល័យភ្ញីមាស​ជិះម៉ូតូប្រដាប់ដោយដាវដេញកាប់ បណ្តាលឲ្យរងរបួសធ្ងន់ នៅ​មុខសាលាវិទ្យាល័យព្រៃល្វា ភូមិព្រៃល្វាលិច ឃុំព្រៃល្វា ស្រុកព្រៃកប្បាស ខេត្តតាកែវ។

ជនរងគ្រោះ​មានឈ្មោះ ផុន ម៉ានុ ភេទប្រុស អាយុ១៨ឆ្នាំ រស់នៅភូមិកញ្ជិល ឃុំកំពង់រាប ស្រុកព្រៃកប្បាស ខេត្តតាកែវ (រងរបួសធ្ងន់) និងទី២ឈ្មោះ ខន ឈុយ ភេទប្រុស អាយុ១៨ឆ្នាំ រស់នៅភូមិក្លែងកង់ ឃុំកំពង់រាប ស្រុកព្រៃកប្បាស ខេត្តតាកែវ (រងរបួសស្រាល)។

មូលហេតុ ផឹកស្រវឹង ខណ:ដែលមានកម្មវិធីសម្ភោធទីចាត់ការនៅវិទ្យាល័យខាងលើ។ ​

​​បច្ចុប្បន្ន ជនសង្ស័យត្រូវបានសមត្ថកិច្ចបញ្ជូនទៅស្នងការនគរបាលខេត្តតាកែវ ដើម្បីចាត់ការទៅនីតិវិធីច្បាប់៕