ប្រភពពី Skysport បានចុះផ្សាយកាលពីល្ងាចថ្ងៃទី ៣០ ខែ មិនានេះ ឲ្យដឹងថា ខ្សែប្រយុទ្ធរបស់ក្លិប Nurnberg កីឡាករ Josip Drmic បានទទួចថា គាត់មិនយល់ព្រមផ្លាស់ទៅកាន់ ក្លិបកាំភ្លើងធំ Arsenal ឡើយ បើទោះបីជាគាត់ពេញចិត្ត និងស្រលាញ់ក្លិបកាំភ្លើងធំក៏ដោយ។
កីឡាករវ័យ ២១ ឆ្នាំ សញ្ជាតិ ស្វីស គឺជាកីឡាករមួយដួង ដែលកំពុងទទួលបានការចាប់អារម្មណ៍ ក្នុងក្របខណ្ឌ Bundesliga ហើយចូលរួមលេងជាមួយនឹងក្លិបខាងលើ ដោយផ្លាស់មកពីក្លិប FC Zurich l កាលពីរដូវកាល ឆ្នាំកន្លងទៅ។
Josip Drmic បច្ចុប្បន្នគឺជាកីឡាករស្ថិតនៅលេខរៀងទី ២ នៅក្នុងក្របខណ្ដ អាល្លឺម៉ង់ ដោយរកគ្រាប់បាល់ បាន ១៦ គ្រាប់ ដែលស្ថិតនៅពីក្រោយ កីឡាករ Mario Mandzukic របស់ Bayern Munich ។
សារព័ត៌មាននៅក្នុងប្រទេសអាល្លឹម៉ង់ បានចុះផ្សាយថា ក្រុមកាំភ្លើងធំ បានសង្ឈឹម និង បង្ហាញពីគោលជំហរ ទិញកីឡាកររូបនេះ ។ក៏ប៉ុន្តែឆ្លើយតបនឹងនឹងសារព័ត៌មានខាងលើ កីឡាករ Drmic បាននិយាយថា “នៅពេលនេះខ្លួននៅលីវ ហើយខ្លួនក៏គ្មានផ្ទះនៅទីក្រុង ឡុងដ៏នោះដែរ” ។ បើទោះបីជាឃ្លាខាងលើជាឃ្លាច្រានចោល សម្រាប់ផ្លាស់ទៅកាន់ទឹកដីអង់គ្លេស ក៏ប៉ុន្តែគាត់បានបន្តថា វាជារឿងអនាគត់នោះទេ ព្រោះថាយើងមើលមិនដឹងឡើយ ដោយមានកីឡាករជាច្រនសុបិន្តចង់លេងនៅ កាំភ្លើងធំ ។
សូមបញ្ជាក់ថា Drmic បច្ចុប្បន្នជាប់កុងត្រាជាមួយនឹង Nurnberg រយៈពេល ៣ ឆ្នាំ ហើយរបាយការណ៍បានបញ្ជាក់ថា តម្លៃខ្លួនរបស់គាត់តិចជាង ៥ លានផោន ៕
ទស្សនាឃ្លិបដូចខាងក្រោមនេះ៖
មតិយោបល់