ព្រៃវែង: កាពីវេលាម៉ោង៨និង៣០នាទីយប់ ថ្ងៃទី២៤ ខែធ្នូ ឆ្នាំ២០១៨ មានករណីគ្រោះថ្នាក់ចរាចរណ៍មួយបានកើតឡើង រវាងរថយន្តនិងម៉ូតូ បណ្តាលឲ្យបុរសម្នាក់វ័យចំណាស់ម្នាក់ ស្លាប់ភ្លាមៗនៅនឹងកន្លែង នៅលើផ្លូវជាតិលេខ១ ចន្លោះគីឡូម៉ែត្រលេខ៩៨-៩៩ ភូមិអំពិល ឃុំប្រាសាទ ស្រុកកំពង់ត្របែក។
រថយន្តបង្កម៉ាកឡិចស៊ីស៣០០ ស្លាកលេខភ្នំពេញ 2P.5617 ពណ៌ទឹកមាស អ្នកបើកបរមិនស្គាល់អត្តសញ្ញាណ បានបើកបរមកពីទិសខាងកើតទៅលិច ដល់ចំណុចកើតហេតុខាងលើបាន
បុកម៉ូតូម៉ាក សង់កូរ៉េ ពណ៌ក្រហម គ្មានស្លាកលេខ ជិះដោយឈ្មោះ កែវ ញាន ភេទប្រុស អាយុ៧០ឆ្នាំ រស់នៅភូមិវាលយន្ត សង្កាត់ស្វាយរៀង ក្រុងស្វាយរៀង ខេត្តស្វាយវៀង បើកបរក្នុងទិសដៅបញ្ច្រាសគ្នា បណ្តាលឲ្យស្លាប់នៅនឹងកន្លែងកើតហេតុ ក្រោយពេលកើតហេតុ អ្នកបើកបររថយន្តគេចខ្លួនបាត់។
បច្ចុប្បន្នចំពោះសាកសពសមត្ថកិច្ចបានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី រីឯមធ្យោបាយទាំង២គ្រឿង ត្រូវបានយកមករក្សាទុក នៅអធិការដ្ឋាននគរបាលស្រុកកំពង់ត្របែក ដើម្បីកសាងឯកសារចាត់ការតាមច្បាប់៕
មតិយោបល់