Post News Media ព័ត៌មានជាតិ ប្រពន្ធដាក់GP...

ប្រពន្ធដាក់GPS តាមទាន់ប្តីឱបស្រីនៅក្នុងក្លឹប​កម្សាន្ត true face ឈ្លោះប្រកែកគ្នាផ្អើល…!

ភ្នំពេញ: កាលពីវេលាម៉ោង២យប់ រំលងអធ្រាត្រឈានចូលថ្ងៃទី២៦ ខែធ្នូ ឆ្នាំ២០១៨ មានករណីប្រពន្ធតាមទាន់ប្តីចូលក្លឹប​កម្សាន្ត true face កំពុងតែឱបស្រី ខណ:ដែលឆែកតាមប្រព័ន្ធPGSនៅក្នុងរថយន្ត ស្រាប់តែឈ្លោះប្រកែកគ្នា ភ្លាមៗនោះត្រូវបានសន្តិសុខដេញចេញក្រៅ ហើយ​ក៏នាំ​គ្នា​ជិះ​រថយន្ត​មក​ដល់​ពាក់​កណ្តាលផ្លូវ​បាន​ឈ្លោះប្រកែក​គ្នា​ម្តងទៀត ក៏ត្រូវ​ប្តី​វាយ​បែក​ចិញ្ចើម នៅ​តាម​បណ្ដោយ​មហាវិថី​ព្រះ​នរោត្តម ​កែង​នឹង​ផ្លូវ​១៥៤ សង្កាត់​ផ្សារ​ថ្មី​៣ ខណ្ឌដូនពេញ រាជធានីភ្នំពេញ។

ភ្លាម​ៗ​នោះ​​ ស្ត្រីជាប្រពន្ធ​ចុះ​ពី​រថយន្ត​មក​ខាងក្រៅ ដើម្បីរកអ្នកជួយតែគ្មានអ្នកជួយ ចំណែក​ប្តី​ជា​ជន​បង្ក​បើករថយន្ត​ចេញ​ទៅបាត់។

ក្រោយពេលកើតហេតុ ​ប្រជាពលរដ្ឋ​និងសមត្ថកិច្ច ព្រមទាំងអ្នកកាសែត បាននិយាយលួងលោមដើម្បីឲ្យនារីខាងលើត្រឡប់ទៅផ្ទះ មួយសន្ទុះក្រោយមកទើបរូបនាងក៏បានជិះម៉ូតូកង់
បីត្រឡប់ទៅផ្ទះវិញតែម្តង៕​​