Post News Media ព័ត៌មានជាតិ វ៉ាវ! ចិន​មួយ...

វ៉ាវ! ចិន​មួយ​ក្រុម​មកកាងនារីដែលជាជនជាតិចិនដូចគ្នា ពេលដែលបង្កគ្រោះថ្នាក់ព្យាយាមបើករត់​

ភ្នំពេញ: ក្រុមជនជាតិ​ចិន​មួយ​មានគ្នាប្រហែល​២០​នាក់ បាន​រត់​ដេញចាប់​យក​ទូរស័ព្ទ និង​ភ្លើង​ហ្វា​របស់​អ្នក​យក​ព័ត៌មាន​ហាម​មិន​ឲ្យ​ថតរូប​ស្ត្រីជន​ជាតិចិន​ម្នាក់ បើករថយន្ត​លឿន​ដូច​ហោះ​បត់​ឆ្លងផ្លូវ​ទៅ​បុក​ម៉ូតូ​មួយ​គ្រឿង​ពេញទំហឹង បណ្តាល​ឲ្យ​ដួល​រង​របួសស្រាល ហើយ​រថយន្ត​បង្ក​ព្យាយាម​បើក​រត់​ត្រូវ​បាន​សមត្ថកិច្ច​ដេញ​តាម​ឃាត់​បាន​បង្ក​ឲ្យ​មានការ​ភ្ញាក់ផ្អើល​កាល ពី​វេលា​ម៉ោង​៨​និង១០នាទីយប់ ថ្ងៃ​ទី​២៦ ខែធ្នូ ឆ្នាំ​២០១៨ តាម​បណ្ដោយ​ផ្លូវជាតិ​លេខ​៤ ទល់មុខ​បុរី​ញ៉ូ​វ​ថោ​នផ្លូវជាតិលេខ៤ ដែល​ស្ថិត​នៅ​ភូមិ អង្គ​សង្កាត់​ចោម​ចៅ​ទី​៣ ខណ្ឌ​ពោធិ៍​សែន​ជ័យ រាជធានីភ្នំពេញ។

រថយន្ត​បង្ក​ម៉ាក​ឡិច​ស៊ី​ស RX- 300 ពណ៌​ខ្មៅ បើកបរ​ដោយ​ស្ត្រីជន​ជាតិចិន​ម្នាក់ បើក​ឆ្លងផ្លូវ​ក្នុង​ទិស​ដៅ​ពី​ជើង​ទៅ​ត្បូង ។ ចំណែក​ម៉ូតូ​រង​គ្រោះ​ម៉ាក​ស្កុប​ពី ពណ៌​ស បើកបរ​ដោយ​បុរស​ម្នាក់ បើក​ក្នុង​ទិស​ដៅ​ពី​លិចទៅ​កើត​រង​របួសស្រាល ។

តាម​ប្រភព​ព័ត៌មាន​ពី​កន្លែង​កើតហេតុ​បាន​និយាយ​ថា នៅ​មុន​ពេល​កើតហេតុ​គេ​ឃើញ​ជន​រង​គ្រោះ​ជិះ​ម៉ូតូ​ម៉ាក​ស្កុប​ពី ពណ៌​ស បើក​ដោយ​បុរស​ម្នាក់​ក្នុង​ទិស​ដៅ​ពី​លិចទៅ​កើត​ជិះ​ម្នាក់ឯង លុះ​បើក​មក​ដល់​ចំណុច​កើតហេតុ ស្រាប់តែ​មាន​រថយន្ត​ម៉ាក​ឡិច​ស៊ី​ស RX- 300 ពណ៌​ខ្មៅ ពាក់​ស្លាក​លេខ​ភ្នំពេញ 2P -3463 បើកបរ​ដោយ​ស្ត្រីជន​ជាតិចិន​ម្នាក់ បើកបរ​ឆ្លងផ្លូវ​ក្នុង​ទិស​ដៅ​ពី​ជើង​ទៅ​ត្បូង​ក្នុង​ល្បឿន​យ៉ាង​លឿន ដោយ​មិន​បន្ថយល្បឿន​បាន​បុក​ម៉ូតូ​រង​គ្រោះ​ចំ​ទទឹង​ម៉ូតូ​ផ្នែក​ខាង​មុខ​ពេញទំហឹង បណ្តាល​ឲ្យ​ដួល​ម៉ូតូ ចំណែក​តៃកុង​រង​របួសស្រាល ។

រីឯ​រថយន្ត​បង្ក​ខាងលើ​ដាច់​កាង​ខាង​មុខ​បាន​បើក​ជ្រុះ​កាង​តាម​ផ្លូវ ហើយ​នៅ​តែ​ព្យាយាម​បើក​រត់​តាំងពី​កន្លែង​កើតហេតុ​រហូត​ជិត​២​គីឡូម៉ែត្រ ទៅ​ដល់​ផ្លូវជាតិ​លេខ​៣ ក្បែរ​បុរី​សុខ​សាន ទើប​សមត្ថកិច្ច​ឃាត់​បាន​ភ្លាម​ៗ​ផង​ដែរ ។

ប្រភព​ព័ត៌មាន​បាន​បន្ត​ទៀត​ថា ខណ:​ពេល​ដែល​សមត្ថកិច្ច​ឃាត់​បាន​ស្ត្រីជន​ជាតិចិន​ដែល​បើករថយន្ត​បង្ក បាន​ហើយ​បម្រុង​បញ្ជូន​ទៅ​ការិយាល័យ​នគរបាល​ចរាចរណ៍​ផ្លូវគោក ដើម្បី​ធ្វើការ​ដោះស្រាយ ស្រាប់តែ​មាន​អ្នកបកប្រែ​ភាសា​ចិន និង​ជនជាតិ​ចិន​មួយ​ក្រុមប្រហែល​២០​នាក់ បាន​ចេញ​មុខ​មក​ជួយ​អន្តរាគមន៍​ឲ្យ​នាំ​ស្ត្រី​ជា​អ្នក​បើករថយន្ត​បង្ក​យក​ទៅ​ដោះស្រាយ​នៅ កន្លែង​កើតហេតុ​វិញ​ទើប​សមត្ថកិច្ច​នាំ​ទៅ​ដោះស្រាយ​នៅ​កន្លែង​កើតហេតុ ខណ:​ពេល​ទៅ ដល់​កន្លែង​កើតហេតុ​ស្ត្រី​ជា​អ្នក​បើករថយន្ត​បង្ក​មិន​បាន​ចុះ​ពីលើ​រថយន្ត​ទេ​ក៏​ត្រូវ​អ្នក​យក ព័ត៌មាន​ឈរ​បើកភ្លើង​ហ្វា​ថត​យក​រូបភាព​អ្នក​បើករថយន្ត​បង្ក​ស្រាប់តែ​ជនជាតិ​ចិន​មួយ​ក្រុមប្រហែល​២០​នាក់ ដែល​មក​ជួយ​អន្តរាគមន៍​នោះ​បាន​រត់​ដេញចាប់​យក​ទូរស័ព្ទ​ដៃ និង​ភ្លើង​ហ្វា​ពី​អ្នក​សារព័ត៌មាន​ដោយ​រត់​ប្រសេចប្រសាច​ពេញ​កន្លែង​កើតហេតុ ហាម​មិន​ឲ្យ​ថតរូប​ភាព​ទេ ធ្វើ​ឲ្យ​ប្រជាពលរដ្ឋ​ដែល​ចោមរោម​មើល​ហេតុការណ៍​គ្រោះថ្នាក់​ចរាចរណ៍​នេះ ទប់​កំហឹង​មិន​បាន​បម្រុង​នាំ​គ្នា​ព្រួត​វាយ​ជនជាតិ​ចិន​នោះ​វិញ​ហើយ កុំ​តែ​សមត្ថកិច្ច​ឃាត់​កុំ​អី​ប្រជាពលរដ្ឋ​ប្រដៅ​ជនជាតិ​ចិន​ដែល​មក​រស់នៅ​ស្រុក​ខ្មែរ​មិន​គោរព​ច្បាប់ទម្លាប់ ហើយ​ថែម​ទាំង​ផឹកស៊ី​ស្រវឹង​បង្ក​គ្រោះថ្នាក់​ចរាចរណ៍​បើករថយន្ត​បុក​ទ្រូងផ្លូវ​បុក​ម៉ូតូ បណ្តាល​ឲ្យ​រង​របួស​បាក់ដៃ​បាក់ជើង​ខ្លះ​ទៀត រហូត​បាត់​បង់ជីវិត​ជា​រៀង​រាល់​យប់​មិន​ដែល​ខាន​ឡើយ ។

បន្ទាប់​ពី​កើតហេតុ​សមត្ថកិច្ច​បាន​ដកហូត​យក​ទូរស័ព្ទ និង​ភ្លើង​ហ្វា​សម្រាប់​បំភ្លឺ​ថតរូប​យក​មក​ឲ្យ​អ្នក​យក​ព័ត៌មាន​វិញ ។ ដោយឡែក​ពាក់ព័ន្ធ​នឹង​ករណី​បង្ក​គ្រោះថ្នាក់​ខាង​បង្ក​មាន​តំណាង​ចេញ​មុខ​សម្រប​ស​ម្រ​ល ហើយ​ភាគី​ខាង​រង​គ្រោះ​បាន​ទាមទារ​សំណង​ចំនួន​១​ពាន់​ដុល្លារ​សំរាប់​ថ្លៃ​ជួសជុល​ម៉ូតូ​នឹង​ព្យាបាល​របួស​ខាង​បង្ក​បាន​សង​សំណង​១​ពាន់​ដុល្លារ​បញ្ចប់រឿង​ភ្លាម​ៗ​ផង​ដែរ ៕