ភ្នំពេញ: ជនសង្ស័យម្នាក់ធ្វើសកម្មភាពលួចកាមេរ៉ានិងទូរទស្សន៍ពីយប់ មិនអីព្រឹកឡើងមកលួចឆ្កឹះយកអាគុយម៉ូតូកង់បីមិនបានសម្រេច ត្រូវបានប្រជាពលរដ្ឋឃើញទាន់ហៅម្ចាស់កង់បីមកចាប់ប្រគល់ឲ្យសមត្ថកិច្ច។
ហេតុការណ៍នេះបានកើតឡើងកាលពីវេលាម៉ោង១០និង៤០នាទីព្រឹក ថ្ងៃទី២៨ ខែធ្នូ ឆ្នាំ២០១៨ នៅចំណុចផ្លូវបេតុង ក្រុម១៣ ភូមិមិត្តភាព សង្កាត់ឫស្សីកែវ ខណ្ឌស្សីកែវ រាជធានីភ្នំពេញ។
ម្ចាស់ម៉ូតូកង់បីមានឈ្មោះ ឯម សុខា អាយុ៣៧ឆ្នាំ ស្នាក់នៅក្រុម១៣ ភូមិមិត្តភាព សង្កាត់ឫស្សីកែវ ។
ម្ចាស់រថយន្តដែលជនសង្ស័យវាយកាលពីយប់ មានឈ្មោះ ពុំ សុខា អាយុ៤៥ឆ្នាំ មុខបរបើកឡាន ស្នាក់នៅ ភូមិកើតហេតុខាងលើ ។
ជនសង្ស័យ មានឈ្មោះ ពេជ្រ រចនាឌី អាយុ១៨ស្នាក់នៅភូមិក្រោលគោ សង្កាត់គីឡូម៉ែត្រលេខ៦ ខណ្ឌឬស្សីកែវ ។
តាមប្រភពព័ត៌មានឲ្យដឹងថា កាលពីរំលងអធ្រាត្រម៉ោង៤ទៀបភ្លឺ ថ្ងៃទី២៨ ខែធ្នូ ឆ្នាំ២០១៨ ជនសង្ស័យបានមកវាយបំបែកកញ្ចក់រថយន្តទេសចរណ៍២៥កៅអី មួយគ្រឿង ពណ៌លឿងពាក់ស្លាកលេខ ភ្នំពេញ3E-3716 និងបានលួចយកកាមេរ៉ា ឡានមួយ និងទូរទស្សន៍ មួយ យកទៅបាត់ លុះដល់វេលាម៉ោង១០និង៤០នាទីព្រឹកថ្ងៃខែដដែលញ៉ាម ក៏បានមកលួចឆ្កឹះអាគុយម៉ូតូកង់ម្ដងទៀតក៏ត្រូវប្រជាពលរដ្ឋឃើញនាំគ្នាដេញចាប់បាន ប្រគល់ឲ្យសមត្ថកិច្ចនគរបាលឫស្សីកែវ វាយខ្នោះយកទៅសួរនាំនៅប៉ុស្តិ៍នគរបាលឬស្សីកែវ ។
ក្រោយពេលកើតហេតុកម្លាំងសមត្ថកិច្ចបាននាំយកទៅធ្វើការសាកសួរនិងកសាងសំណុំរឿងដើម្បីបញ្ជូនទៅអធិការ នគរបាលខណ្ឌឫស្សីកែវ ចាត់ការបន្តតាមនិតិវិធី៕
មតិយោបល់