កំពតៈ ករណីគ្រោះថ្នាក់ចរាចរណ៍ ដោយយុវជន ២នាក់ ជិះម៉ូតូឌុបគ្នា ជ្រុលចង្កូតទៅបុករថយន្តមួយគ្រឿង កំពុងចតលើចិញ្ចើមផ្លូវ បណ្ដាលឲ្យស្លាប់ទាំងពីរនាក់ ភ្លាមៗនៅនឹងកន្លែង។
ហេតុការណ៍នេះ បានកើតឡើងកាលពីវេលាយប់ថ្ងៃទី២៩ ខែធ្នូ ឆ្នាំ២០១៨ នៅកំណាត់ផ្លូវជាតិលេខ៣១ ស្ថិតក្នុងភូមិដំណាត់ក្រសាំង ឃុំប្រភ្នំ ស្រុកអង្គរជ័យ ខេត្តកំពត។
ជនរងគ្រោះទី១.ឈ្មោះ នាក់ ជ័យ អាយុ ២៥ឆ្នាំ និងទី២. ឈ្មោះ ផន ម៉ាញ អាយុ ២៩ឆ្នាំ ទាំងពីរនាក់ រស់នៅភូមិតាកុក ឃុំតានី ស្រុកអង្គរជ័យ ខេត្តកំពត។
តាមប្រភពពីកន្លែងកើតហេតុ បានឲ្យដឹងថា កាលពីវេលាម៉ោង៩យប់ថ្ងៃកើតហេតុ គេឃើញយុវជនពីរនាក់ ជិះម៉ូតូមួយគ្រឿងធ្វើដំណើរពីជើងទៅត្បូង ក្នុងល្បឿនយ៉ាងលឿន។ លុះដល់កន្លែងកើតហេតុ ម៉ូតូបានរេចង្កូតជ្រុលបុករថយន្តពីក្រោយ ដែលកំពុងចតលើចិញ្ចើមផ្លូវលាន់ឮដូចរន្ទះ បណ្ដាលឲ្យយុវជនទាំងពីរនាក់ស្លាប់នៅនឹងកន្លែង។
ក្រោយកើតហេតុម្ចាស់រថយន្ត បានគេចខ្លួនបាត់ពី៕
មតិយោបល់