Post News Media ព័ត៌មានជាតិ ក្រោយពីឆ្លងឆ្...

ក្រោយពីឆ្លងឆ្នាំចប់! ផ្អើលអស់ប្រជាពលរដ្ឋដោយប្រទះ​ឃើញ​សាកសព​បុរស​ម្នាក់​សា្លប់​សង្ស័យ​ថា..​

ភ្នំពេញ: ​ផ្អើលអស់ប្រជាពលរដ្ឋ ក្រោយពី​ប្រទះ​ឃើញ​សាកសព​បុរស​វ័យ​ចំណាស់​ម្នាក់​សា្លប់​នៅ​តាម​ផ្លូវ​ សង្ស័យត្រូវ​រថយន្ត​បុក​ ទើបបង្ក​ឲ្យ​មាន​ការ​ភ្ញាក់ផ្អើល​កាលវេលម៉ោង​២​យប់ ឈានចូលថ្ងៃ​ទី​០១​ ខែមករា​ ឆ្នាំ​២០១៩ ទីតាំង​នៅ​តាម​បណ្ដោយ​ផ្លូវ​ជាតិ​លេខ​៤​ នៅ​ម្តុំ​លក់​សាច់​ក្រក​ ដែល​ស្ថិត​នៅ​​សង្កាត់​កន្ទោក​ ខណ្ឌ​ពោធិ៍​សែនជ័យ ​រាជធានីភ្នំពេញ​។

សាកសព​បុរស​វ័យ​ចំណាស់​ខាងលើ​​មិន​បាន​ស្គាល់​អត្តសញ្ញាណ​នៅ​ឡើយ​ ដោយ​សង្ស័យ​ ជា​ជន​អនាថា​។

តាម​ប្រភព​ព័ត៌មាន​ពី​ប្រជាពលរដ្ឋ​បាន​ឲ្យ​ដឹង​ថា​ នៅមុនពេលកើតហេតុ​ ដោយឃើញ​ សាកសព​ ​បុរស​វ័យ​ចំណាស់​ខាងលើ​បាន​ស្លាប់​នៅ​កណ្តាល​ផ្លូវ​ដោយ​បែកក្បាល​ធ្លាយ​ខួរ​នឹង​បាក់​ដៃ​ខាង​ស្ដាំ​ជា​ច្រើន​ កំណាត់​ផងដែរ​។ បើតាម​សំដី​របស់​នាយ​រង​ផ្នែក​ចរាចរណ៍​ខណ្ឌ​ពោធិ៍​សែនជ័យ​ បានឲ្យ​ដឹង​ថា​ បុរស​វ័យ​ចំណាស់​ខាងលើ​ គឺ​ ស្លាប់ដោយសា​រថយន្ត​បុក​ ហើយ​គាត់​មិន​អាច​ សន្និដ្ឋាន​ថា​បុរស​វ័យ​ចំណាស់​ខាង​លើ​ ដើរ​ពី​ណាទៅ​ណា​នឹង​រថយន្ត​ម៉ាក​អ្វី​បុក​នោះ​ឡើយ​ គឺ​គ្រាន់​តែ​ដឹង​ថា​ បុរស​ខាង​លើ​ ត្រូវ​រថយន្ត​បុក​សា្លប់​តែ​ប៉ុណ្ណេះ​។
បើក​តាម​ប្រជា​ពលរដ្ឋ​ម្នាក់​ ដោយ​ បញ្ជាក់​ប្រាប់​ នគរបាល​ប៉ុស្តិ៍​ កំបូល​ ថា​ ដោយ​សង្ស័យ​ថា​ ជា​ជន​អនាថា​ដែល​តែងតែ​ធ្លាប់​រស់​នៅ​ ជិត​វត្ត​អង្គ​ស្តុក​ សង្កាត់​ឪឡោក ​ខណ្ឌ​ពោធិ៍​សែនជ័យ​ តែមិនទាន់​ប្រាកដ​នោះ​ឡើយ​ ។

ក្រោយ​ពេល​កើតហេតុ​បន្ទាប់​ពី​ សមត្ថកិច្ច​ ចរាចរណ៍​ខណ្ឌ​ពោធិ៍​សែនជ័យ​ធ្វើ​ការ​វាស់​វែង​រួច​ ដោយ​មាន​រថយន្ត​ ដឹក​សាកសព​ មួយ​គ្រឿង​បាន​មក​ដឹក​សាកសព​ បុរស​វ័យ​ចំណាស់​ខាងលើ​យក​ទៅ​តំកល់​នៅ​វត្ត​ ពោធិ៍​ចិន​តុង ដើម្បី​​​រង់ចាំ​សាច់​ញាតិ​មកទទួលយកទៅធ្វើ​បុណ្យ​តាម​ប្រពៃណី​៕