ស្វាយរៀងៈ កាលពីថ្ងៃទី១ ខែមករា ឆ្នាំ២០១៩ មានករណីក្មេងស្រីម្នាក់ លង់ទឹកស្លាប់ ស្ថិតនៅក្នុងស្រះទឹកខាងក្រោយផ្ទះរបស់ប្រជាពលរដ្ឋ ក្នុងភូមិជាមួយគ្នា។
សពក្មេងស្រីរងគ្រោះ ត្រូវបានប្រជាពលរដ្ឋ ប្រទះឃើញអណ្តែតក្នុងស្រះទឹកឡើងហើមទៅហើយ ស្ថិតនៅខាងក្រោយផ្ទះ ឈ្មោះ អៀក ស៊ីថា ភេទប្រុស អាយុ៤២ឆ្នាំ ចម្ងាយ ២៣ម៉ែត្រ ស្ថិតក្នុងភូមិបាត់ថង់ ឃុំគគីសោម ស្រុកស្វាយទាប ខេត្តស្វាយរៀង ។
ក្មេងស្រីរងគ្រោះ បានបាត់ខ្លួនពីផ្ទះអស់រយៈពេល ៤ថ្ងៃ ហើយត្រូវបានម្ដាយឪពុក ប្រកាសតាមប្រព័ន្ធទំនាក់ទំនង Facebook ដោយសរសេរថា៖ «សូមបងប្អូនជួយរកក្មេងស្រី ឬបានឃើញក្មេងស្រី ដែលបានបាត់កាលពីម៉ោងប្រហែល១០ព្រឹក ថ្ងៃទី២៩ ខែធ្នូ ឆ្នាំ២០១៨ បើបានឃើញក្មេងស្រីដូចរូបក្នុងការបង្ហោះនេះ សូមជួយទំនាក់ទំនងមកលេខ ០៩៧៥៣៥០៣៥៧ ។ ជនរងគ្រោះឈ្មោះ វ៉ាន់ នីសា ភេទស្រី អាយុ២ ឆ្នាំ៤ខែ មានឪពុកឈ្មោះ ស៊ីម វ៉ាន់ អាយុ៤១ឆ្នាំ ម្ដាយឈ្មោះ ស៊ុន គន្ធា អាយុ២៤ឆ្នាំ រស់នៅភូមិឃុំកើតហេតុ។
ក្រោយទទួលបានដំណឹងនេះភ្លាម សមត្ថកិច្ចជំនាញ បានចុះទៅធ្វើកោសល្យវិច័យ បានសន្និដ្ឋានថា ក្មេងស្រីរងគ្រោះ បានរអិលជើង ធ្លាក់ចូលក្នុងទឹកស្រះ បណ្ដាលឲ្យលង់ស្លាប់តែម្ដង បន្ទាប់មកក៏ប្រគល់សាកសពទៅក្រុមគ្រួសារធ្វើបុណ្យតាមប្រពៃណី៕
មតិយោបល់