Post News Media ព័ត៌មានជាតិ ចុម! សងសឹកគំន...

ចុម! សងសឹកគំនុំចាស់ ផ្ទុះសង្គ្រាមក្នុងពិធីមង្គលការ​ ម្នាក់បែកក្បាលដេរ៥ថ្នេរ️ ២នាក់ទៀតចូលប៉ុស្តិ៍ប៉ូលិស

កំពង់​ស្ពឺ: កម្លាំង​នគរបាល​នៃអធិការ​ដ្ឋាន​ក្រុងច្បា​រ​ម​ន ​បានទទួល​បណ្ដឹងពីជនរងគ្រោះស្ដីពីករណី​ហិង្សាដោយចេតនា​ កាលពីថ្ងៃ​ទី​១ ខែមករា ឆ្នាំ២០១៩ វេលាម៉ោង១១និង៣០នាទី មាន​ក​រណីអំពើហិង្សាដោយចេតនា​ បណ្ដាលឲ្យជនរង​គ្រោះ​រងរបួស​ ចំក្បាលដេរ៥ថ្នេរកើតឡើង​នៅ​ ភូមិរលាំងសង្កែ​ សង្កាត់សុពរ័ទេព​ ក្រុងច្បារមន ខេត្តកំពង់ស្ពឺ។

ជនរងគ្រោះឈ្មោះ ម៉ប់ រ៉ាន់ដា ហៅថ្លែន​ ភេទប្រុស​ អាយុ​២៥ឆ្នាំ​ មានទីលំនៅភូមិរលាំងសង្កែ​ សង្កាត់សុពរ័ទេព​ ក្រុងច្បារមន​ ខេត្តកំពង់ស្ពឺ។

មុនពេលកើតហេតុជនរងគ្រោះបានទៅ​ចូលរួមក្នុងកម្មវិធីចូលរោងការ​របស់ឈ្មោះ ឆាង ​នី​ នៅភូមិឃុំជាមួយគ្នា​ ខណ:កំពុងអង្គុយហូបបាយក៏មានឈ្មោះ សេត​ សាម៉ាឌី​ ហៅខួច​ ភេទប្រុស អាយុ​២៥ឆ្នាំ​ ជាអ្នកភូមិជាមួយគ្នា បានយកឆ្នាំងដាំបាយមកវាយជនរងគ្រោះ​ឈ្មោះ សេក​ សាម៉ាឌី​ បា​ន​រត់ចេញក្រៅរោង​ ជនរងគ្រោះតាមមកសួរនាំកំ​ពុងតែសួរនាំក៏ស្រាប់តែឈ្មោះ ពេជ្រ​ សុភាព ហៅ​ ឌុយ​ ភេទប្រុស​ អាយុ២២ឆ្នាំ​យកដំបងឬស្សីមកវាយបណ្ដាលឲ្យត្រូ​វ ក្បាលចំខាងឆ្វេងបែកដេ​រ​៥ថ្នេរ​ ។ ចំណែក​ជន​ដៃដល់ទាំង២ក៏រត់​គេច​ខ្លួន​បា​ត់។ លុះព្រឹកឡើងទើបជនរងគ្រោះបានមកដាក់ពាក្យបណ្ដឹងនៅប៉ុស្ដិ៍នគរបាលរដ្ឋបាល ទើបកម្លាំងនគ​របាល​ចុះស្រាវជ្រាវ​និងឃាត់ខ្លួនជនសង្ស័យទាំ​ង២​ រួចបញ្ជូន​មកជំនាញព្រហ្មទណ្ឌអធិការដ្ឋាននគរបាលក្រុងច្បារមន ដើម្បីកសាងសំណុំរឿង​ចា​ត់​ការ​តាមនិតិវិធីច្បាប់៕