Post News Media ព័ត៌មានជាតិ គួរឲ្យរន្ធត់ណ...

គួរឲ្យរន្ធត់ណាស់​!! ២​នាក់​ប្តី​ប្រពន្ធ​ត្រូវរថយន្ត​កុងតឺន័រ​បើក​បុក​ម៉ូតូ ហើយ​កិន​ស្លាប់យ៉ាង​អាណោចអាធ័ម

ភ្នំពេញ: ២​ប្តីប្រន្ធនាក់​នាំ​គ្នា​មក​ទិញ​កំណាត់​កាត់​សម្លៀក​បំពាក់​សម្រាប់​ការ​ប្អូន ត្រូវ​រថយន្ត​កុងតឺន័រ​បើក​បុក​កិន​បណ្តាល​ឲ្យ​ស្លាប់​ទាំង​២​នាក់​យ៉ាង​អាណោចអាធ័មនៅតាមបណ្តោយផ្លូវជាតិលេខ៣។

ហេតុការណ៍ខាងលើនេះបង្ក​ឲ្យ​មានការ​ភ្ញាក់ផ្អើល​កាល​វេ​ល​ម៉ោង​៦និង៥៥នាទី​ព្រលប់ថ្ងៃ​ទី ៣ ខែមករា ឆ្នាំ​២០១៩ ដែល​ស្ថិតតាមបណ្តោយផ្លូវជាតិលេខ៣ ​នៅ​ភូមិ​ព្រៃ​កំបុត សង្កាត់​ចោម​ចៅ​ទី​២ ខណ្ឌ​ពោធិ៍​សែន​ជ័យ រាជធានី​ភ្នំពេញ​។

សព​ជន​រង​គ្រោះជា​ប្តី​ឈ្មោះ ប៉ុក ភក្តី ភេទ​ប្រុស អាយុ​៣៤​ឆ្នាំ មុខរបរ​ជាងកាត់សក់ មាន​ភូមិកំណើត​នៅ​ស្រុក​បាទី​ ខេត្តតាកែវ​។ និង​សព​ជន​រង​គ្រោះជា​ប្រពន្ធ​ឈ្មោះ អឹង និមល ភេទ​ស្រី អាយុ​២៥​ឆ្នាំ មុខរបរ​កម្មករ​រោងចក្រ ទើបនឹង​ឈប់ មានស្រុក​កំណើត​នៅ​ខេត្តកំពង់ស្ពឺ​។ រថយន្ត​បង្ក​ជា​រថយន្ត​ម៉ាក​ហ៊ី​យ៉ា​ន់​ដាយ ពណ៌​ស ពាក់​ស្លាក​លេខ​ភ្នំពេញ 3E-3983 បើកបរ​ក្នុង​ទិស​ដៅ​ពី​ត្បូង​ទៅ​ជើង​។

ចំណែក​ម៉ូតូ​ជន​រង​គ្រោះ​ខាងលើ​ម៉ាក​ស្កុបពី ពណ៌​ក្រហម ពាក់​ស្លាក​លេខ ភ្នំពេញ 1GV-9379 បើក​ក្នុង​ទិស​ដៅ​ពី​ជើង​ទៅ​ត្បូង​ជិះ​គ្នា​២​នាក់​ប្តី​ប្រពន្ធ​។

តាម​ប្រភព​ព័ត៌មាន​ពី​មិត្តភក្ដិ​សព ឈ្មោះ កឹ​ម វណ្ណ: ភេទ​ប្រុស អាយុ​៣៤​ឆ្នាំ មុខរបរ​កាត់សក់​ជាមួយ​គ្នា​បាន​ឲ្យ​ដឹង​ថា នៅ​មុន​ពេល​កើតហេតុ រូប​គាត់ និង​ជន​រង​គ្រោះ​(​សព​)​ទាំង​២​នាក់ បាន​នាំ​គ្នា​ទៅ​ទិញ​កំណាត់​កាត់​សម្លៀក​បំពាក់​នៅ​ផ្សារ​អូ​ឫស្សី​ទុក​ការ​ប្អូន ហើយដោយ​ចេញពីផ្ទះ​តាំងពី​ម៉ោង​២​រសៀល​មក​ម្ល៉េះ​។ លុះដល់​ពេល​ល្ងាច​ប្រមាណ​មុន​ពេល​កើតហេតុ​បាន​ត្រឡប់​មក​វិញ ហើយ​ជន​រង​គ្រោះ​ទាំង​២​នាក់​ខាងលើ​បាន​ប្រញាប់​ទៅ​មុន ដោយ​ប្រាប់​ថា ម្តាយ​ខ​លម​កថា​កូន​យំ​ឲ្យ​ប្រញាប់​មក​ផ្ទះ​ឲ្យ​លឿន ។ហើយ​នៅ​ពេល​កើតហេតុ​គាត់​បាន​ខ​ល​សួរ​ជន​រង​គ្រោះ​ខាងលើ ហើយ​ស្រាប់តែ​គេ​ប្រាប់​តាម​ទូរ​សព្ទ​ថា ម្ចាស់​ទូរ​សព្ទ​ខាងលើ​បាន​ស្លាប់​ទាំង​២​នាក់​ប្តី​ប្រពន្ធ​បាត់​ទៅ​ហើយ ទើប​គាត់​ប្រញាប់ប្រញាល់​មក​កន្លែង​កើតហេតុ​។

បើ​តាម​ប្រភព​ព័ត៌មាន​ពី​ប្រជាពលរដ្ឋ​នៅ​កន្លែង​កើតហេតុ​បាន​និយាយ​ប្រាប់​ថា គេ​ឃើញ​ម៉ូតូ​រង​គ្រោះ​ខាងលើ​ជិះ​ម៉ូតូ​ម៉ាក​ស្កុប​ពី​ខាងលើ២នាក់​ប្តី​ប្រពន្ធ​ជិះ​យ៉ាង​លឿន​ក្នុង​ទិស​ដៅ​ពី ជើង​ទៅ​ត្បូង​យ៉ាង​លឿន​បាន​វ៉ា​រថយន្ត​មិន​ចាំ​ម៉ាក​មួយ​គ្រឿង​ដែល​ជិះ​ក្នុង​ទិស​ដៅ​ស្របគ្នា ហើយ​ម៉ូតូ​ជិះ​ទៅ​ផ្នែក កណ្តាលផ្លូវ ស្រាប់តែ​ឃើញ​រថយន្ត​កុងតឺន័រ​ខាងលើ​បើក​បុក​ចំពាក់​កណ្ដាល​បណ្តាល​ឲ្យ​ជន​រង​គ្រោះ​ទាំង​២​នាក់​ត្រូវ​រថយន្ត​កិន​បណ្តាល​ឲ្យ​ស្លាប់​ភ្លាម​ៗ​នៅ​កន្លែង​កើតហេតុ ។

ចំណែកឯ​រថយន្ត​បង្ក​ខាងលើ​បាន​បើក​ចេញពី​កន្លែង​កើតហេតុ​ប្រមាណ​ជាង​៥០​ម៉ែត្រ ហើយ​បាន​ចុះ​ពី​រថយន្ត​គេចខ្លួន​បាត់​ស្រមោល​។ ក្រោយ​ពេល​កើតហេតុ ជំនាញ​ចរាចរណ៍​ខណ្ឌ​ពោធិ៍​សែន​ជ័យ​បាន​ប្រគល់​ឲ្យ​ជំនាញ​ចរាចរណ៍​នៃ​ការិយាល័យ​ចរាចរណ៍​ផ្លូវគោក​រាជធានី​ភ្នំពេញ​ធ្វើការ​វាស់វែង និង​យក​រថយន្ត​កុងតឺន័រ​ព្រមទាំង​ម៉ូតូ​ជន​រង​គ្រោះ​យក​ទៅ​រក្សា​ទុក​រង់ចាំ​ការ​ដោះស្រាយ​ថ្ងៃក្រោយ​។ ចំណែក​សាកសព​ត្រូវ​សមត្ថកិច្ច​ជំនាញ​ចរាចរណ៍​រាជធានី​ភ្នំពេញ ធ្វើ​លិខិត​ប្រគល់​សាកសព​ឲ្យ​ក្រុម​គ្រួសារ​នៃ​សព​ដើម្បី​យក​ទៅ​ធ្វើបុណ្យ​តាម​ប្រពៃណី​នៅ​ស្រុក​កំណើត​៕