Post News Media ព័ត៌មានជាតិ Update៖ រថយន្...

Update៖ រថយន្ត៤គ្រឿង បុករះគ្នាបន្តបន្ទាប់នៅចំណោតយាយម៉ៅពេជ្រនិល

កំពង់ស្ពឺ: ករណី​គ្រោះថ្នាក់​ចរាចរណ៍​នៅលើផ្លូវជាតិលេខ​៤​ ត្រង់ចំ​ណុចពេជ្រនិល​ គីឡូម៉ែត្រ​លេខ​១០៦​-​១០៧ បណ្ដាលឲ្យខូចខាតរថយន្ដ​៤គ្រឿង​ របួ​ស​ម​នុស្ស​មួយចំនួន​ ក្នុងនោះមានទាំងជនបរទេស​ផងដែរ ត្រូវ​​បា​ន​ក្រុមការងារ​នគរបាល​ចរាចរណ៍​ខេត្តកំពង់​ស្ពឺ​ និ​ង​ស្រុកជួយអន្តរាគមន៍បញ្ជូនទៅព្យាបាលនៅមន្ទីរពេទ្យ កាលពីវេលាម៉ោង២និង៣០នាទីរសៀល ថ្ងៃទី៥ ខែមករា ឆ្នាំ២០១៩ ។

ហេតុការណ៍នេះបង្កដោយរថយន្តមួយគ្រឿង​ ម៉ាក Hino ក្បាលព​ណ៌​ស ពាក់ស្លាកលេខ​ ព្រះសីហនុ​ 3A-1122​ ដឹកថ្ម​ អ្នកបើកបរមិនស្គាល់ឈ្មោះនិងអាស័យដ្ឋាន ចុះរត់គេចខ្លួនបាត់​ បង្កការខូចខា​ត​រ​ថយន្ដ​៤​គ្រឿង ​របួស​មនុស្ស​៤ ក្នុងនោះមាន​ជនជាតិចិនម្នាក់​ ភេទប្រុស​ ឈ្មោះ​ SU HENG (កើតឆ្នាំ១៩៩២ )។ ចំណែក​អ្ន​ករ​បួសត្រូវបានកង​ក​ម្លាំងនគរបាលចរា​ចរណ៍ខេត្ដនិ​ងស្រុក រថយន្ដ​យោធា​បញ្ជូនមក​កា​ន់មន្ទីរពេទ្យ​​សង្រ្គោះ​បន្ទា​ន់។

ចំណែកមូលហេតុ​ ជំនាញ​នគរបាល​ចរាចរណ៍​មិនទាន់​ កំណត់​បាននៅឡើយទេអាចបណ្ដាលមកពីការចុះចំណោតវាក់ជាមួយរថយន្ដកំពុងធ្វើដំណើរ​ឡើងទៅទិសខាងកើត​។

តាមការឲ្យដឹងបន្ថែមលោកឧត្ដមសេនីយ៍ទោ​ សម​ សាមួន​ ស្នងការ​ន​គ​របាល​ខេត្ត​ បានឲ្យដឹងថា ក្នុងហេតុការណ៍គ្រោះថ្នាក់ចរាចរណ៍នេះ​ គឺមិនឆ្ងាយប៉ុន្មានពី​កន្លែង​គ្រោះថ្នាក់​ចរាចរណ៍​ដ៏រន្ធត់​កាលពីថៃ្ងទី៣​ ខែមករា​ កន្លងទៅ​ ដែលគ្រោះថ្នាក់លើកមុន មានការ​ខូចខាត​រថយន្ដ​រហូតដល់១៧គ្រឿង​ ស្លាប់​ម្នា​ក់ និងរបួសច្រើននាក់​ តែលើកនេះមានចំនួនតិចជាង​។ ចំណែក​ការធ្វើ​ចរាចរណ៍ មិនសូវកកស្ទះ​ដូច​លើកមុន​ ព្រោះកម្លាំងលោកសហការជាមួយ​ជំ​នាញ​ពាក់ព័ន្ធ​ធ្វើ​ការស្ទួចរថយន្ដមកដាក់ម្ខាងផ្លូវសិន ដើម្បីជួយសម្រួលការចរាចរណ៍បានខ្លះ​ តែ​ទោះបីយ៉ាងណាត្រូវ​តែម្ចាស់ការ​លើកិច្ចការនេះជាបន្ទាន់និងចាំបាច់បំផុត​។

ក្រោយកើតហេតុជំនាញ​ចរាចរណ៍​កំពុង​អន្ដរគមន៍​ស្ទូចយកមករក្សា​ទុកនៅអធិការដ្ឋាននគបាលស្រុកភ្នំស្រួច​ ដើម្បី​កសាងសំណុំរឿងចាត់ការតាមនីតិវិធីច្បាប់៕