Post News Media ព័ត៌មានជាតិ អាសូរណាស់! ឆ្...

អាសូរណាស់! ឆ្លងចរន្តគ្គិសនី បណ្ដាលឲ្យក្មេងបុរសអាយុទើបជាង១ ខួប ឆក់ស្លាប់…

កណ្ដាល: កាលពីវេលាម៉ោង៦ និង៣០នាទីព្រឹកថ្ងៃទី១០ ខែមករា ឆ្នាំ២០១៩ មានករណីក្មេងប្រុសម្នាក់ ត្រូវចរន្តគ្គិសនីឆក់ ស្លាប់ នៅចំណុចផ្ទះជនរងគ្រោះ ស្ថិតក្នុងភូមិទួលទ្រា ឃុំព្រែកក្មេង ស្រុកល្វាឯម ខេត្តកណ្ដាល។

ក្មេងប្រុសជនរងគ្រោះឈ្មោះ ម៉ន​ សំណាង ភេទ ប្រុស អាយុ ១ ឆ្នាំ១០ខែ​ ជនជាតិខ្មែរ ស្នាក់នៅនៅភូមិឃុំកើតហេតុ។

សមត្ថកិច្ច បានឲ្យដឹងថា នៅវេលាថ្ងៃកើតហេតុ ជនរងគ្រោះ បានជិះកង់លេងក្បែរផ្ទះ រួចបានដួលកង់ ប៉ះចិញ្ចាំងផ្ទះស័ង្កសី ​ដែលមានឆ្លងចរន្តអគ្គិសនី បណ្ដាលឲ្យឆក់ ពេលនោះឪពុកម្តាយក្មេង ក៏បានមកលើកកូនរិត តែដោយឃើញសភាពកូនមិនស្រួល ក្រុមគ្រួសារបានដឹកយកទៅសង្គ្រោះនៅមន្ទីរពេទ្យបង្អែកស្រុក ពេលទៅដល់មន្ទីរពេទ្យជនរងគ្រោះ បានស្លាប់បាត់ទៅហើយ ទើបយកសពមកផ្ទះវិញ រួចរាយការណ៍មកសមត្ថកិច្ច។

ក្រោយទទួលបានដំណឹងនេះភ្លាម សមត្ថកិច្ចបានចុះធ្វើការពិនិត្យ ដោយពុំមានស្លាកស្នាមអ្វីគួរឲ្យកត់សម្គាល់ ក៏ប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី៕