ភ្នំពេញៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កម្លាំងប៉ុស្តិ៍នគរបាលរដ្ឋបាលផ្សារថ្មីទី២ នៃអធិការដ្ឋាននគរបាលខណ្ឌដូនពេញ បានឃាត់ខ្លួនជនសង្ស័យម្នាក់ នៅចំណុចមុខច្រកឌឿងហែម ផ្លូវ១២០ ភូមិ២ សង្កាត់ផ្សារថ្មីទី២ខណ្ឌដូនពេញ ថ្ងៃទី១០ ខែមករា ឆ្នាំ២០១៩ វេលាម៉ោង៤ល្ងាច។
ជនរងគ្រោះឈ្មោះ រ៉ា ភេទប្រុស អាយុប្រហែល២៨ឆ្នាំ ជនជាតិខ្មែរ ទីលំនៅពុំពិតប្រាកដ មុខរបរ កម្មករ លើកអីវ៉ាន់ (រងរបួសធ្ងន់ពុំអាចសាកសួរបាន) បច្ចុប្បន្នសង្គ្រោះបន្ទាន់នៅមន្ទីរពេទ្យកាល់ម៉ែត។
ជនសង្ស័យឈ្មោះ ជ័យ វណ្ណា ភេទប្រុស អាយុ៣៥ឆ្នាំ ជនជាតិខ្មែរ ទីលំនៅមិនពិតប្រាកដ មុខរបរកម្មករ លើកអីវ៉ាន់ បេនឡានផ្សារធំថ្មី ។
ដំណើររឿងហេតុ មុនពេលកើតហេតុនៅថ្ងៃ១០ ខែមករា ឆ្នាំ ២០១៩ វេលាម៉ោង៤និង៤០នាទី ជនសង្ស័យឈ្មោះ ជ័យ វណ្ណា ភេទប្រុស អាយុ៣៥ ឆ្នាំបានដើរមកទិញបារី នៅចំណុចកើតហេតុ ក៏បានទំនាស់ពាក្យសម្ដីគ្នាជាមួយជនរងគ្រោះឈ្មោះ រ៉ា ភេទប្រុស អាយុប្រហែល២៨ឆ្នាំ ដែលដេកនៅក្បែរនោះ ហើយជនសង្ស័យក៏បានយកដំបងឈើ ដែលនៅក្បែរនោះ វាយទៅលើផ្ទៃមុខរបស់ជនរងគ្រោះ បណ្តាលឲ្យរបួសឆ្ងន់ដួលសន្លប់តែម្តង ស្របពេលនោះ កម្លាំងប៉ុស្តិ៍នគរបាលផ្សារថ្មីទី២ កំពុងល្បាតឃើញ ក៏បានអន្តរាគមន៍ឃាត់ខ្លួនជនសង្ស័យរួមនឹងវត្ថុតាងដំបង ឈើនាំមកទីស្នាក់ប៉ុស្តិ៍ធ្វើរការសាកសួរតែម្តង ៕
មតិយោបល់