Post News Media ព័ត៌មានជាតិ ករណីរថយន្តបុក...

ករណីរថយន្តបុកម៉ូតូស្លាប់២នាក់! Post News ទាក់ទងសួរមន្ត្រីប៉ូលិសចរាចរណ៍ស្រុកប្រាសាទបាគង បែរជាឆ្លើយថា…

សៀមរាប: អាជ្ញាធរស្រុកប្រាសាទបាគង បានអះអាងថា បុរស២នាក់ ត្រូវបានរថយន្តបុកស្លាប់ភ្លាម នៅនឹងកន្លែង ខណ:កំពុងជិះម៉ូតូ។

ហេតុការណ៍នេះ បានកើតទ្បើងកាលពីវេលាម៉ោងទៀបភ្លឺថ្ងៃទី១៥ ខែមករា ឆ្នាំ២០១៩ នៅចំណុចភូមជ្រៃ ឃុំកណ្ដែក ស្រុកប្រាសាទបាគង លើផ្លូវជាតិលេខ៦។

ករណីនេះកើតឡើងរវាងរថយន្ត និងម៉ូតូបើកបញ្រ្ចាសទិសគ្នា ត្រង់ចំណុចមុខផ្សារស្វាយធំ ដែលបណ្ដាលឲ្យស្លាប់មនុស្ស ២នាក់។

ជនរងគ្រោះទី១ អ្នកបើកម៉ូតូឈ្មោះ ញាន ញូន ភេទប្រុស អាយុ២៤ឆ្នាំ នៅភូមិជ្រៃ ឃុំសណ្ដែក ស្រុកប្រាសាទបាគង ខេត្តសៀមរាប (ស្លាប់) ម៉ូតូម៉ាកសេ១២៥ ពណ៌ខ្មៅ ស្លាកលេខ សៀមរាប 1D-2337 ។ ទី២ ឈ្មោះ ឈង់ ឆូន ភេទប្រុស អាយុ២៤ឆ្នាំ នៅភូមិជាមួយគ្នា (ស្លាប់) និងខូចម៉ូតូ១គ្រឿង។

មន្ត្រីអាជ្ញាធរមូលដ្ឋានបញ្ជាក់ថា តៃកុងរថយន្តរត់គេចខ្លួន រថយន្តម៉ាកស៊ីណូ ពណ៌ខៀវស្លាកលេខ ភ្នំពេញ 3A-9324 ។

ករណីគ្រោះថ្នាក់ចរាចរណ៍នេះ សរុបការខូចខាតស្លាប់មនុស្ស ២នាក់ ខូចម៉ូតូ ១គ្រឿង រថយន្ត១គ្រឿង។ រថយន្ត និងម៉ូតូ រក្សាទុកនៅអធិការនគរបាលស្រុក។ ដោយឡែកសាកសពត្រូវបានប្រគល់ជូនក្រុមគ្រួសារ ធ្វើបុណ្យតាមប្រពៃណី។

ពាក់ព័ន្ធករណីនេះដែរ Post News បានធ្វើការទាក់ទងទៅមន្ត្រីប៉ូលិសចរាចរណ៍ស្រុកប្រាសាទបាគង ដើម្បីសួរព័ត៌មានទាក់ទងករណីគ្រោះថ្នាក់ចរាចរណ៍ រថយន្តបុកបណ្តាលឲ្យស្លាប់២នាក់ តែលោកប៉ូលិសបានឆ្លើយមកប្រាប់អ្នកកាសែតវិញថា «ឲ្យទាក់ទងទៅសួរមេ» ទើបអ្នកកាសែតបានទាក់ទងទៅកាន់លោកអធិការរងទទួលផ្នែកចរាចរណ៍ បានឆ្លើយថា«ឲ្យអ្នកកាសែតទាក់ទងទៅប្រធានផ្នែកចរាចរណ៍វិញ» លុះអ្នកកាសែតតេទូរសព្ទទៅលោកប្រធានផ្នែកចរាចរណ៍វិញ បែរជាទូរសព្ទបានផ្តាច់បាត់៕

Loading...