ស្វាយរៀងៈ កាលពីវេលាម៉ោង៩និង៤០នាទីព្រឹក ថ្ងៃទី១៧ ខែមករា ឆ្នាំ២០១៩ មានករណីបុរសម្នាក់ស្លាប់ក្នុងស្រះទឹក នៅផ្ទះឪពុកម្តាយក្មេក ដោយសារតែបូមស្រះរីងហើយក៏យកខ្សែភ្លើងមករាយដើម្បីឆក់ត្រី ប៉ុន្តែជាអកុសលត្រូវឆក់ខ្លួនឯងស្លាប់ចោលប្រពន្ធកូនខ្ចី ដែលទើបតែសម្រាល នៅភូមិ ត្រពាំងឈូក ឃុំខ្សែត្រ ស្រុកកំពង់រោទិ៍ ខេត្តស្វាយរៀង។
ជនរងគ្រោះមានឈ្មោះ អ៊ុក ភិរម្យ អាយុ២៨ឆ្នាំ មានទីលំនៅភូមិបុស ឃុំស្វាយតាយាន ស្រុកកំពង់រោទិ៍ ខេត្តស្វាយរៀង។
ក្រោយពេលកើតហេតុ សមត្ថកិច្ចចុះមកដល់កន្លែងកើតហេតុ ធ្វើកោសល្យវិច័យ រួចបានប្រគល់សាកសព ឲ្យទៅក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់