ភ្នំពេញៈ កម្លាំងនាយកដ្ឋាននគរបាលព្រហ្មទណ្ឌ, កម្លាំងស្នងការដ្ឋាននគរបាលរាជធានីភ្នំពេញ និងកម្លាំងស្នងការដ្ឋាននគរបាលខេត្តកណ្ដាល សហការគ្នាបើកការស្រាវជ្រាវ រហូតឈានដល់បំបែកសំណុំរឿង ជនជាតិខ្មែរ បើករថយន្តដឹកចៅហ្វាយជនជាតិចិន ដល់កន្លែងស្ងាត់វាយប្លន់យកលុយ១០ម៉ឺនដុល្លារ នៅខណ្ឌសែនសុខ បានដោយជោគជ័យ។
ប្រតិបត្តិការឈានដល់សម្រេចដោយជោគជ័យ និងចាប់បានជនដៃដល់នៅថ្ងៃទី១៨ ខែមករា ឆ្នាំ២០១៩នេះ ដោយចាប់បានជនដៃដល់ម្នាក់ ឈ្មោះ អ៊ុង សុគន្ធ ភេទប្រុស អាយុ៤២ឆ្នាំ ស្នាក់នៅភូមិព្រែកឫស្សី សង្កាត់ព្រែកឫស្សី ក្រុងតាខ្មៅ ខេត្តកណ្តាល។
សូមជម្រាបថា បុរសជនជាតិចិនម្នាក់ឈ្មោះ លីវ លីន ត្រូវបានអ្នកបើករថយន្តរបស់ខ្លួនវាយប្លន់យកលុយអស់ ប្រមាណ១០ម៉ឺនដុល្លារ ខណៈបើករថយន្តមកដល់កន្លែងស្ងាត់ នាព្រឹកថ្ងៃទី០៩ ខែមករា ឆ្នាំ២០១៩ ស្ថិតនៅតាមផ្លូវលំភូមិសំរោង សង្កាត់ឃ្មួញ ខណ្ឌសែនសុខ រាជធានីភ្នំពេញ៕
មតិយោបល់