កណ្តាល: មានករណីគ្រោះថ្នាក់ចរាចរណ៍ រវាងរថយន្ត និងរថយន្ត បុកគ្នា បណ្តាលឲ្យភាគីរថយន្តឡិចស៊ីស ជ្រុលទៅបុកចូលផ្ទះលក់ខោអាវ យីហោម៉ាយស្ត័រ បណ្តាលឲ្យខូចខាតយ៉ាងដំណំ តែសំណាងមិនមានអ្នកណាម្នាក់រងរបួសនោះទេ។
ហេតុការណ៍នេះកើតឡើងនៅម៉ោង១២និង៣៥នាទី ថ្ងៃទី២០ ខែមករា ឆ្នាំ២០១៩ នៅចំណុចផ្លូវលេខ២១០ កែងផ្លូវលេខ១០៨ ភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្ដាល។
ករណីនេះកើតឡើងរវាងរថយន្តមួយគ្រឿងម៉ាក ឡិចស៊ីស RX300 ពាក់ស្លាកលេខ ភ្នំពេញ 2AX-7370 អ្នកបើករថយន្តឈ្មោះ ឈុន ចាន់តារា ភេទប្រុស អាយុ២៩ឆ្នាំ មានទីលំនៅភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ បើករថយន្តក្នុងទិសដៅពីលិចទៅកើតមកដល់ចំណុចខាងលើ ក៏បានបុកជាមួយរថយន្តមួយគ្រឿងម៉ាកFUSO ពណ៌ស ពាក់ស្លាកលេខ ភ្នំពេញ 5A-1615 អ្នកបើករថយន្តឈ្មោះ វុធ ពុធលឿង ភេទប្រុស អាយុ ២៧ឆ្នាំ មានទីលំនៅភូមិស្ពឺខាងលិច ឃុំស្ពឺក ស្រុកបាភ្នំ ខេត្តព្រៃវែង បើករថយន្តក្នុងទិសដៅពីត្បូងមកជើង បណ្តាលឲ្យរថយន្តឡិចស៊ីស RX 300 ខាងលើជ្រុលទៅបុកផ្ទះលក់ខោអាវ និងខូចខាតសម្ភារ:មួយចំនួនក្នុងផ្ទះម្ចាស់ផ្ទះឈ្មោះ តាំង រីតា ភេទស្រី អាយុ២៥ឆ្នាំ មានទីលំនៅសង្កាត់ផ្សារដើមថ្កូវ ខណ្ឌចម្ការមន រាជធានីភ្នំពេញ។
ចំណែកមូលហេតុបណ្តាលមកពីអ្នកបើកបររថយន្តឡិចស៊ីស បើកបរមិនគោរពផ្លូវសិទ្ធិអាទិភាព៕
មតិយោបល់