ផ្ទះ ព័ត៌មានជាតិ ព្រូឡាន​ក្រុម...

ព្រូឡាន​ក្រុមហ៊ុន​រិ​ទ្ធ​មុន្នី​ ត្រូវក្រុម​ជនសង្ស័យ​​វាយ​ប្លន់​យក​លុយ​ និង​ទូរស័ព្ទ​ដៃ​

0

ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា​ នៅ​ថ្ងៃ​ទី​២២​ ខែមករា​ ឆ្នាំ​២០១៩​ វេលា​ម៉ោង​១៧​និង​០០​នាទី​នគរបាល​ប៉ុស្តិ៍​បឹង​សាឡា​ង​ បាន​ឃាត់ខ្លួន​ជនសង្ស័យ​ម្នាក់​ ជាក់ស្តែង​ នៅ​ចំណុច​ក្រោម​ស្ពាន​អាកាស​ស្ទឹង​មាន​ជ័យ​ ផ្លូវ​លេខ​២៧១​ សង្កាត់​​ស្ទឹង​មាន​ជ័យ​ ខណ្ឌមានជ័យ​ ពី​បទ​លួច​មាន​ស្ថាន​ទម្ងន់ទោស​ (​វាយ​ប្លន់​យក​លុយ​និង​ទូរស័ព្ទ​)​ ប្រព្រឹត្ត​នៅ​ចំណុច​ជិត​បង្កាន់ដៃស្ពាន​អាកាស​ស្ទឹង​មាន​ជ័យ​ ផ្លូវ​លេខ​២៧១​ ក្រុម​ទី​៥២​ ភូមិ​៧​ សង្កាត់​បឹង​សាឡា​ង​ ខណ្ឌទួលគោក​ រាជធានី​ភ្នំពេញ​ កាលពី​ថ្ងៃ​ទី​២២​ ខែមករា​ ឆ្នាំ​២០១៩​ វេលា​ម៉ោង​ប្រហែល​១៦​និង​០០​នាទី​។​

​ជនសង្ស័យ​ឈ្មោះ​ ចាន់​ សុ​ផានិត​ ហៅ​ ខ្និត​ ភេទ​ប្រុស​ អាយុ​១៩​ឆ្នាំ​ ជនជាតិ​ខ្មែរ​ មុខរបរ​មិន​ពិតប្រាកដ​ ស្នាក់​នៅផ្ទះ​ជួល​គ្មាន​លេខ​ក្រោម​​ស្ពាន​អាកាស​ស្ទឹង​មាន​ជ័យ​ ផ្លូវ​២៧១​ ភូមិ​មាន​ជ័យ​ សង្កាត់​ស្ទឹង​មាន​ជ័យ​ ខណ្ឌមានជ័យ​ ។​

​ជនសង្ស័យ​ប្រើប្រាស់​គ្រឿងញៀន​ ពិនិត្យ​ធ្វើតេស្ត​ទឹកនោម​ស្វែងរក​សារធាតុ​ញៀន​ជា​លទ្ធផល​ វិជ្ជមាន​ (​មាន​សារធាតុ​ញៀន)​។​

​ជន​រង​គ្រោះ​ ឈ្មោះ​ ហួ​ន​ ចែ​ម​ ភេទ​ប្រុស​ អាយុ​២៨​ឆ្នាំ​ ជនជាតិ​ខ្មែរ​ មុខរបរ​ ព្រូឡាន​ក្រុមហ៊ុន​រិ​ទ្ធ​មុន្នី​ ស្នាក់​នៅ​ភូមិ​ត្រពាំង​ជ្រៃ​ ឃុំ​ត្រពាំង​ជ្រៃ​ស្រុក​បរ​សែត​ ខេត្តកំពង់ស្ពឺ​ ។​

​សម្ភារ​បាត់បង់​រួម​មាន​៖​ លុយ​ខ្មែរ​៣០០០០០៛​ (​សា​មសិ​ម​ម៉ឺន​រៀល​)-​ ទូរស័ព្ទ​ចំនួន​០១​គ្រឿង​ម៉ាក​ L​G​ ពណ៌​ស​ គ្មាន​ស៊ី​ម​ (​ទើប​ទិញ​)​។​

​មុន​ពេល​កើតហេតុ​ថ្ងៃ​ទី​២២​ ខែមករា​ ឆ្នាំ​២០១៩​ វេលា​ម៉ោង​ប្រហែល​១៦​និង​០០​នាទី​ ជន​រង​គ្រោះ​មក​ពី​ទិញ​ទូរស័ព្ទ​នៅ​ផ្សារ​ដើម​គរ​រួច​បាន​ជិះ​ម៉ូតូឌុប​មក​ឈប់​ឈរ​ចាំ​ជិះឡាន​បង​នៅ​ម្តុំ​ជិត​ បង្កាន់ដៃស្ពាន​អាកាស​ស្ទឹង​មាន​ជ័យ​ សង្កាត់​បឹង​សាឡា​ង​ (​កន្លែង​កើតហេតុ​ខាងលើ​)​ នៅ​ក្នុង​ពេក​កំពុង​ឈរ​រង់ចាំ​ជិះឡាន​បង​នោះ​ ក៏​ស្រាប់តែ​មាន​ជនសង្ស័យ​ចំនួន​៣​នាក់​ បាន​ស្ទុះ​ចេញពី​ក្រោម​ស្ពាន​អាកាស​ស្ទឹង​មាន​ជ័យ​ មក​ធ្វើ​ដ​កម្ម​ភាព​ចាប់​ក្រៀក​វាយ​ប្លន់​លូក​យក​ទូរស័ព្ទ​និង​លុយ​មាន​សម្រេច​ ហើយ​នាំ​គ្នា​រត់គេច​ខ្លួន​បាត់​អស់​ទៅ​។​

ក្រោយ​ពេល​កើតហេតុ​ជន​រង​គ្រោះ ​បាន​មក​រាយការណ៍​ជូន​សមត្ថកិច្ច​នគរបាល​ប៉ុ​ស្តិ៍បឹង​សាឡា​ង​ សហការ​ជាមួយ​ជន​រង​គ្រោះ​ចុះ​ដ​ល់​កន្លែង​កើតហេតុ​ស្រាវជ្រាវ​ឃាត់ខ្លួន​ជនសង្ស័យ​ម្នាក់​មានឈ្មោះ​ខាងលើ​ នាំ​យក​មក​ប៉ុស្តិ៍​ធ្វើការ​សាកសួរ​ឆ្លើយ​សារភាព​ថា​ រូប​ខ្លួន​និង​បក្ខពួក​២​នាក់​ទៀត ​(​គេចខ្លួន​បាត់​)​ ពិតជា​បាន​ប្រព្រឹត្ត​វាយ​ប្លន់​យក​ទូរស័ព្ទ​និង​លុយ​របស់​ជន​រង​គ្រោះ​ពិតប្រាកដ​មែន​ ។​

​បច្ចុប្បន្ន​ជនសង្ស័យ​ឈ្មោះ​ចាន់​ សុ​ផានិត​ ហៅ​ខ្និត​ កំពុង​ឃាត់ខ្លួន​បណ្តោះអាសន្ន​នៅ​អធិការដ្ឋាន​នគរបាល​ខណ្ឌទួលគោក​ដើម្បី​សាកសួរ​និង​កសាង​សំណុំរឿង​បញ្ជូន​ទៅ​សាលាដំបូង​រាជធានី​ភ្នំពេញ​ចាត់ការ​តាម​ផ្លូវច្បាប់​៕

Loading...

Leave a Reply

This site uses Akismet to reduce spam. Learn how your comment data is processed.