បន្ទាយមានជ័យៈ នៅព្រឹកថ្ងៃទី២៣ ខែមករា ឆ្នាំ២០១៩ កម្លាំងសមត្ថកិច្ចចុះបង្ក្រាបទីតាំងផលិតស្ករត្នោតក្លែងក្លាយដុះស្លែមួយកន្លែង ដឹកនាំដោយលោកតេង សាម៉ៃ ព្រះរាជអាជ្ញារងនៃសាលាដំបូងខេត្ត និងលោកឧត្តមសេនីយ៍ត្រី ចាប សុផារឹទ្ធ ស្នងការរងទទួលផែនប្រឆាំងបទល្មើសនៃស្នងការដ្ឋាននគរបាលខេត្ត និងលោកវរសេនីយ៍ទោ រស់ អៀម នាយរងប្រឆាំងបទល្មើសស្នងការដ្ឋាននគរបាលខេត្តបន្ទាយមានជ័យ សហការជាមួយសមត្ថកិច្ចជំនាញពាក់ព័ន្ធនៅក្រុងប៉ោយប៉ែត ដែលស្ថិតនៅភូមិចាន់គិរី សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
ម្ចាស់ទីតាំងមានឈ្មោះ ផៃ សំណាង ភេទប្រុស អាយុ២៦ឆ្នាំ និងប្រពន្ធឈ្មោះសុខ ម៉ី អាយុ២៥ឆ្នាំ ហើយបច្ចុប្បន្នសមត្ថកិច្ចជំនាញកំពុងសាកសួរ និងត្រួតពិនិត្យ។
បើតាមប្រភពពីប្រជាពលរដ្ឋ បានបង្ហើបថា ទីតាំងខាងលើលួចផលិតស្ករត្នោតក្លែងក្លាយ ជិត១០ឆ្នាំមកហើយ ពេលនេះទើបបែកធ្លាយ៕
មតិយោបល់