ព័ត៌មានជាតិ

បុរស​ម្នាក់​​ផឹកទឹក​សុទ្ធ ​ច្រឡំ​ដប​ទឹក​កាត់​ច្រេះ ស្លាប់នៅ​ក្នុង​មន្ទីរពេទ្យ​ព្រះ​កិ​តុ​មាលា!

ភ្នំពេញុ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា ​ថ្ងៃ​ទី​២៥​ ខែមករា​ ឆ្នាំ​២០១៩​ វេលា​ម៉ោង​ ១០​និង​៣០​នាទី​ព្រឹក​ មាន​ករណី​ មនុស្ស​ប្រុស​ម្នាក់​បាន​ស្លាប់​ នៅ​ក្នុង​មន្ទីរពេទ្យ​ព្រះ​កិ​តុ​មាលា​ ដោយ​ផឹកទឹក​សុទ្ធ​ច្រឡំ​ដប​ទឹក​កាត់​ច្រេះ​ នៅ​ចំណុច​ ផ្ទះ​លេខ​៧៧​ ផ្លូវ​១៣០​ កែង​១៥​ សង្កាត់​ផ្សារ​ចាស់​ ខណ្ឌដូនពេញ​។​

​តាម​របាយការណ៍​បាន​ឲ្យ​ដឹង​ថា​ ជន​រង​គ្រោះ​ឈ្មោះ​ អៀង​ សុ​ខាន់​ ភេទ​ប្រុស​ អាយុ​៥៣​ឆ្នាំ​ ស្នាក់​នៅ​ ផ្ទះ​លេខ​២៥៤​ ភូមិ​ព្រែក​ឫស្សី​ សង្កាត់​ព្រែក​ឫស្សី​ ក្រុង​តា​ខ្មៅ​ ខេត្តកណ្តាល​ ។​

ក្រោយ​ពី​ទទួល​ព័ត៌មាន​ថា​ មាន​មនុស្ស​ស្លាប់​នៅ​ក្នុង​មន្ទីរពេទ្យ​ព្រះ​កិ​តុ​មាលា​មក​ កម្លាំង​របស់​នគរបាល​បច្ចេកទេស​វិទ្យាសាស្ត្រ​រាជធានី​ភ្នំពេញ​ បាន​ចុះ​ទៅ​ពិនិត្យ​ និង​សន្និដ្ឋាន​ថា​ ការ​ស្លាប់​នេះ​បណ្តាល​មក​ពី​គាំងបេះដូង​ (​បណ្តាល​មក​ពី​ផឹកទឹក​ច្រ​លំ​ ដប​ទឹក​សុទ្ធ​ដែល​មានទឹក​សំរាប់​កាត់​ច្រេះ​ក្នុង​ដប​)​ នៅ​ចំណុច​ ផ្ទះ​លេខ​៧៧​ ផ្លូវ​១៣០​ កែង​១៥​ សង្កាត់​ផ្សារ​ចាស់​ ខណ្ឌដូនពេញ​។​

​បច្ចុប្បន្ន​សាកសព​ត្រូវ​បាន​ដឹក​យក​ទៅ​តម្កល់​នៅ​វត្ត​ស្វាយ​ដង្គុំ​ សង្កាត់​មនោ​រម្យ​ ខណ្ឌ​ ៧​មក​រា​ ដើម្បី​ធ្វើបុណ្យ​តាម​ប្រពៃណី​ ៕

មតិយោបល់