ផ្ទះ ព័ត៌មានជាតិ រថយន្តឡិចស៊ីស...

រថយន្តឡិចស៊ីស បើកវ៉ាជែងបុកនិងរថយន្តហ៊ីយ៉ាន់ដាយ របួសធ្ងន់ស្រាល៥នាក់ នៅស្រុកកំពង់ស្វាយ!

0

កំពង់ធំ: សមត្ថកិច្ចបានប្រាប់ Post News ថា កាលពីវេលាម៉ោង១និង៣០នាទីរសៀល ថ្ងៃទី២៥ ខែមករា ឆ្នាំ២០១៨ ស្ថិតនៅចំណុចភូមិក្រសាំង(ខ) ឃុំសានគរ ស្រុកកំពង់ស្វាយ ខេត្តកំពង់ធំ នៅលើផ្លូវជាតិលេខ៦ ចន្លោះគីឡូម៉ែត្រលេខ២០២-២០៣ មានករណីគ្រោះថ្នាក់ចរាចរណ៍កើតឡើងរវាងរថយន្តម៉ាក Lexus Rx-300 ពណ៌ស ពាក់ស្លាកលេខភ្នំពេញ2AQ.7684 និងរថយន្តធន់ធ្ងន់ ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ3C.3075 ក្នុងទិសដៅផ្ទុយគ្នា បណ្តាលឲ្យរបួសធ្ងន់៤នាក់(ស្រីម្នាក់​) និងរបួសស្រាលម្នាក់។

​អ្នកបើកបររថយន្តLexus ឈ្មោះ សែ ពន្លឺ ភេទប្រុស អាយុ១៩ឆ្នាំ មុខរបរអ្នកបើកបររថយន្ត រស់នៅភូមិគោកឃ្លាំង សង្កាត់គោកឃ្លាំង ខណ្ឌសែនសុខ រាជធានីភ្នំពេញ(របួសស្រាល)(នាំខ្លួនទៅកាន់អធិការដ្ឋាននគរបាលស្រុកកំពង់ស្វាយ)។ អ្នករួមដំណើរចំនួន​២នាក់ ទី១​ឈ្មោះ ADAM WOJCIECH ភេទប្រុស អាយុ៥៤ឆ្នាំ(ជនជាតិហូឡង់) (របួសធ្ងន់ បញ្ជូនទៅមន្ទីរពេទ្យភ្នំពេញ)។ និងទី២​ឈ្មោះAGNIESZKA ភេទស្រី អាយុ៤៦ឆ្នាំ ជនជាតិហូឡង់ (របួសធ្ងន់​​បញ្ជូនទៅមន្ទីរពេទ្យភ្នំពេញ)។ ចំណែកអ្នកបើកបររថយន្តធុនធ្ងន់ម៉ាកហ៊ីយ៉ាន់ដាយ ឈ្មោះ ឈួន រតនា មុខរបរអ្នកបើកបររថយន្ត ភេទប្រុស អាយុ៤១ឆ្នាំ រស់នៅភូមិពន្លាជ័យ ឃុំបន្ទាងស្ទោង ស្រុកស្ទោង ខេត្តកំពង់ធំ(គ្មានរបួស)។ អ្នករួមដំណើរចំនួន​២នាក់ ទី១​ឈ្មោះ កន ផានិត ភេទប្រុស អាយុ២៥ឆ្នាំ រស់នៅភូមិចេក ឃុំកំពង់ចិនជើង ស្រុកស្ទោង ខេត្តកំពង់ធំ(របួសធ្ងន់)។ និងទី​២​ឈ្មោះ អ៊ាង វណ្ណនី ភេទប្រុស អាយុ២៩ឆ្នាំ រស់នៅភូមិឈើទាល ឃុំកំពង់ចិនត្បូង ស្រុកស្ទោង ខេត្តកំពង់ធំ(របួសធ្ងន់)។

មូលហេតុជាបឋមបង្កឡើងដោយអ្នកបើកបររថយន្តម៉ាក Lexusបើកបរជែងក្នុងស្ថានភាពគ្រោះថ្នាក់។

ចំពោះករណីនេះ វត្ថុតាងយកមករក្សាទុកនៅអធិការដ្ឋាននគរបាលស្រុកកំពង់ស្វាយ៕
ហាមលួចចម្លងអត្ថបទដោយគ្មានការអនុញ្ញាត៕

Loading...

Leave a Reply

This site uses Akismet to reduce spam. Learn how your comment data is processed.