Post News Media ព័ត៌មានជាតិ បុគ្គលិកអនឡាញ...

បុគ្គលិកអនឡាញ នៅកាស៊ីណូក្រោនរីសត​ម្នាក់ (ជនជាតិចិន​) ដេកស្លាប់​ក្នុង​បន្ទប់

កណ្ដាល: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា នគរបាល​ជំនាញស្រុក​កោះធំ ចុះពិនិត្យសាកសព​បុរសជនជាតិ​ចិនម្នាក់ ដេក​ស្លាប់ក្នុង​បន្ទប់របស់ខ្លួន កាលពីវេលាម៉ោង​៨និង១០នាទី ថ្ងៃទី២៧ ខែមករា ឆ្នាំ២០១៩ ស្ថិតក្នុងភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល ។

មន្រ្ដីនគរបាល​ផ្នែកកោសល្យវិច័យ​ស្រុកកោះធំ​ បានឲ្យដឹងថា ជនរងគ្រោះ​ស្លាប់ឈ្មោះ លីវ ចីអ៊ីន ( LIU ZIYIN ) ភេទប្រុស អាយុ៣១ឆ្នាំ ជនជាតិចិន មុខរបរបុគ្គលិកអនឡាញ (Online) នៅកាស៊ីណូក្រោនរីសត មានស្រុកកំណើត​ខេត្តគួយចូវ ប្រទេសចិន ។

ប្រភពដដែល​បន្ដថា តាមការ​បំភ្លឺរបស់​ឈ្មោះ លីវ ចូវ ភេទប្រុស អាយុ២៧ឆ្នាំ ត្រូវជាប្អូន​បង្កើតរបស់​ជនរងគ្រោះ បា​នឲ្យដឹងថា ជនរងគ្រោះ បានមកធ្វើ​ការជាបុគ្គ​លិកនៅកាស៊ីណូជាង​កន្លះខែមកហើយ ហើយបានស្នាក់នៅ​ក្នុងបន្ទប់​ជាមួយខ្លួន(ជាប្អូន) និងមិត្ដភក្ដិ​៥នាក់ផ្សេង​ទៀតផងដែរ ។ លុះមកដល់​ថ្ងៃទី២៧ ខែមករា ឆ្នាំ២០១៩ វេលាម៉ោងប្រមាណ៨ មិត្តភក្ដិដែល​ស្នាក់នៅជាមួយគ្នា បានក្រោកពីដំណេក រួចបានដាស​ជនរងគ្រោះឲ្យក្រោក​ដើម្បីចេញ​ទៅធ្វើការ តែជនរង​គ្រោះពុំភ្ញាក់ ដោយមាន​ការសង្ស័យ ក៍ទៅហៅឈ្មោះ លីវ ចឺហូ ជាប្អូនជនរងគ្រោះ​ឲ្យមកមើល​ជួយហៅ តែជនរងគ្រោះ​ពុំក្រោក ខណ:នោះប្អូន​ជនរងគ្រោះក៏ចាប់​អង្រួននិងផ្ងារ ស្រាប់តែជនរង​គ្រោះបានស្លាប់បាត់​ទៅហើយ ក៏បានបង្កឲ្យមាន​ការភ្ញាក់ផ្អើល និងរាយការណ៍ជូន​សមត្ថកិច្ច​ដើម្បីធ្វើការពិនិត្យ ។

ក្រោយពីសមត្ថកិច្ច​នគរបាលជំនាញ​ទទួលបានព័ត៌មាន​ខាងលើរួច ភ្លាមនោះក៏ចុះទៅ​កន្លែងកើតហេតុ រួចធ្វើការពិនិត្យ​ដោយបង្កើតគណ:កម្មការចម្រុះ ពិនិត្យឃើញថា ជនរងគ្រោះស្លាប់ដោយ​សារគាំងបេះដូងប្រាកដ​មែន ពុំមានពាក់ព័ន្ធ​ទៅនឹងករណី​អ្វីផ្សេងឡើយ ។ ក្រោយពីពិនិត្យចប់ សមត្ថកិច្ច​ជំនាញបានប្រគល់​សាកសពជន​រងគ្រោះជូន​ទៅឲ្យសាច់ញាតិ​យកទៅចាត់​ចែងធ្វើបុណ្យតាម​ប្រពៃណី៕