ភ្នំពេញ: ជនសង្ស័យ២នាក់ ត្រូវបានសមត្ថកិច្ចឃាត់ខ្លួន ក្រោយធ្វើការសកម្មភាពលួចម៉ូតូ កាលពីវេលាម៉ោង៤និង២០នាទីទៀបភ្លឺ ថ្ងៃទី២៩ ខែមករា ឆ្នាំ២០១៩ នៅមុខផ្ទះជួល ផ្លូវបេតុង ភូមិទ្រា៤ សង្កាត់ ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។
ជនសង្ស័យឈ្មោះ ហេង សាវិន ភេទប្រុស អាយុ៣៨ឆ្នាំ ទីលំនៅផ្ទះជួល ផ្លូវលំ សង្កាត់ទួលសង្កែ ខណ្ឌ ឬស្សីកែវ រាជធានីភ្នំពេញ មុខរបរ ដេរស្បែកជើង(ឃាត់ខ្លួនមានផ្ទុកសារធាតុញៀន)។ និងទី២ឈ្មោះ សុខ ម៉ៅ ភេទប្រុស អាយុ២៣ឆ្នាំ ទីលំនៅផ្ទះជួល ផ្លូវលំ ភូមិ ត្រពាំងឈូក សង្កាត់ អូរបែកក្អម ខណ្ឌ សែនសុខ រាជធានីភ្នំពេញ មុខរបរ មិនពិតប្រាកដ (ឃាត់ខ្លួនមានផ្ទុកសារធាតុញៀន)។
ជនរងគ្រោះឈ្មោះ អឿ ឧត្តម ភេទប្រុស អាយុ២១ឆ្នាំ ទីលំនៅផ្ទះជួល ផ្លូវបេតុង ភូមិទ្រា៤ សង្កាត់ ស្ទឹងមានជ័យទី៣ ខណ្ឌមានជ័យ រាជធានីភ្នំពេញ មុខរបរ ជាងជួសជុលទូរស័ព្ទដៃ។
វត្ថុតាងចាប់យក៖ ម៉ូតូចំនួន២គ្រឿង ម៉ាកអេហ្វហ្សិត ពណ៌ខ្មៅ ពាក់ស្លាកលេខ ភ្នំពេញ 1BZ-4191 (ជារបស់ជនរងគ្រោះ) ម៉ាកហ្ស៊ូមមឺអ៊ិច ពណ៌ត្រួយចេក ពាក់ស្លាកលេខ ភ្នំពេញ 1HA 1390 ,ដែកលួសសរសៃចំនួន១កំណាត់ និងទូរស័ព្ទដៃចាស់ចំនួន១គ្រឿង (ជារបស់ជនសង្ស័យ)។
បច្ចុប្បន្នជនសង្ស័យឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី៕
មតិយោបល់