Post News Media ព័ត៌មានជាតិ សូមជួយShareដើ...

សូមជួយShareដើម្បីប្រយត្ន័ចំពោះស្ត្រីរូបនេះ! ក្រោយបន្លំលួចមាស១០តម្លឹងពីអ្នកលក់មាសម្នាក់ក្នុងខេត្តបាត់ដំបង ហើយគេចខ្លួនបាត់

បាត់ដំបង: សមត្ថកិច្ចបានប្រាប់ Post News ថា មានករណីក្រុមចោរដែលមានគ្នាប្រមាណជា៣នាក់ បានធ្វើសកម្មភាពបន្លំខ្លួនជាអ្នករកទិញមាស ហើយក៏ធ្វើសកម្មភាពលួចយកមាសអស់១០តម្លៃពីក្នុងទូរបស់ជនរងគ្រោះដែលជាអ្នកលក់មាស ខណ:ដែលជនរងគ្រោះភ្លេចខ្លួនមិនបានចាប់អារម្មណ៍ហើយក៏គេចខ្លួនបាត់អស់ភ្លាមៗតែម្តង ។

សមត្ថកិច្ចបានបញ្ជាក់ថា ករណីជនសង្ស័យជាគឺជាមុខសញ្ញាចាស់ ដែលធ្វើសកម្មភាពតាមផ្សារនានា ពេលកន្លងមក ហើយពេលនេះ សមត្ថកិច្ចកំពុងតែបើកការស្រាវជ្រាវក្នុងករណីនេះ ដើម្បីតាមចាប់ជនសង្ស័យយកមកផ្តន្ទាទោសតាមច្បាប់។

ហេតុការណ៍នេះកើតឡើងកាលពីព្រឹកព្រលឹម ថ្ងៃទី៣០ ខែមករា ឆ្នាំ២០១៩ នៅចំណុចផ្សារមួយកន្លែង ភូមិមុខវត្ត ឃុំគាស់ក្រឡ ស្រុកគាស់ក្រឡ ខេត្តបាត់ដំបង។

ចំណែកជនរងគ្រោះមានឈ្មោះ ហ៊ីង សុផល ភេទប្រុស អាយុ៥៩ឆ្នាំ ជាអាជីវករលក់មាស និងប្ដូរលុយ បានបាត់មាសអស់ចំនួន១០តម្លឹង ចំណែកភិនភាគជនសង្ស័យដែលថតជាប់ក្នុងកាមេរ៉ាសុវត្ថិភាព ស្លៀកខោកំណាត់ជើងវែងក្រឡាអុចៗ ពាក់អាវដៃវែង ពណ៌ឈាមជ្រូក និងពាក់មួកក្រណាត់ពណ៌ទឹកប៊ិច៕