Post News Media ព័ត៌មានជាតិ ​ឃាត់ខ្លួន​ស្...

​ឃាត់ខ្លួន​ស្ត្រី​ម្នាក់ ​បន្លំ​យក​ខ្សែ.ក​កាឡៃ​ប្តូរ​យក​ខ្សែ​.កមាស!

ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា នៅ​ថ្ងៃទី​៣០ ខែមករា ឆ្នាំ​២០១៩ វេលា​ម៉ោង​១០​និង​០០​នាទី កម្លាំង​នគរបាល​ប្រចាំ​ទី​រួម​ផ្សារ​ធំថ្មី នៃ​អធិការដ្ឋាន​នគរបាល​ខណ្ឌដូនពេញ បានធ្វើការ​ឃាត់ខ្លួន​ជនសង្ស័យ​ចំនួន​០១​នាក់ ពីបទ លួច​(​លួច​បន្លំ​យក​ខ្សែករ​កាឡៃ​ប្តូរ​យក​ខ្សែក​រមាស​)​នៅ​ចំណុច​តូប​លេខ​.G.4.061​ក្នុង​ទី​រួម​ផ្សារ​ធំថ្មី​ផ្លូវ​លេខ​៦៧​ភូមិ​ទី​៤​សង្កាត់​ផ្សារ​ថ្មី​ទី​១​ខណ្ឌដូនពេញ រាជធានី​ភ្នំពេញ ។​

​ជនសង្ស័យ​ឈ្មោះ ពៅ ចន្ថា ភេទ​ស្រី អាយុ​៥២​ឆ្នាំ ជនជាតិ​ខ្មែរក្រោម មុខរបរ មិន​ពិតប្រាកដ ទីលំនៅ​ផ្ទះជួល​ម្តំ​ចាក់អង្រែលើ​ផ្លូវលំ​សង្កាត់​ចាក់អង្រែលើ​ខណ្ឌមានជ័យ​រាជធានី​ភ្នំពេញ​។​
​វត្ថុតាង​ចាប់យក​បាន​មាន ខ្សែក​រមាស​មួយ​ខ្សែ​ទម្ងន់​២​តំឡឹង​(​ជា​របស់​ជនរងគ្រោះ​)​និង​ខ្សែករ​កាឡៃ​មួយ​ខ្សែ​(​ជា​របស់​ជនសង្ស័យ​)​។​

​ជនរងគ្រោះ​ឈ្មោះ ស្រេង នី​រត​នះ ភេទ​ប្រុស អាយុ​៣០​ឆ្នាំ ជនជាតិខ្មែរ មុខរបរ​លក់​មាសមា​នទី​លំនៅ​ផ្ទះ​គ្មាន ផ្លូវ​R10(​បឹង​ស្នោរ​)​សង្កាត់​និរោធ​ន៍​ខណ្ឌ​ច្បារអំពៅ រាជធានី​ភ្នំពេញ​។​
​បច្ចុប្បន្ន កម្លាំង​ជំនាញ​ខណ្ឌ​បាន​កំពុង​ប្រើប្រាស់​វិធានការ​ជំនាញ សួរចម្លើយ​រក​បក្ខពួក និង​ប្រវត្តិ​សកម្មភាព​ប្រព្រឹត្ត​បទល្មើស​កន្លងមក ដើម្បី​អនុវត្តតាម​និតិ​វិធី ៕

Loading...