ផ្ទះ ព័ត៌មានជាតិ រថយន្ត​កាម៉ារ...

រថយន្ត​កាម៉ារី​ បុក​កូរ៉ូឡា​ ត្រង់​ចំណុច​ផ្លូវ​បំបែក​ជា​បួន​ បណ្ដាល​ឲ្យ​រងការខូចខាត​ទាំង​សងខាង​

0

ភ្នំពេញ: បុរស​បើករថយន្ត​កាម៉ារីបាលែន​មួយគ្រឿង បើក​​លឿន​ដូចហោះ​ ជ្រុល​ចង្កូតទៅ​បុក​ចំពាក់កណ្តាល​រថយន្ត​កូរ៉ូឡា​មួយគ្រឿង​ដែលកំពុងបើកឆ្លង​ផ្លូវ​ បណ្ដាល​ឲ្យ​ខូចខាត​យ៉ាង​ដំណំ​ កាលពី​វេលាម៉ោង​១០និង២០នាទី​យប់​ ថ្ងៃទី​៣០​ ខែមករា​ ឆ្នាំ​២០១៩​តាមបណ្ដោយ​ផ្លូវ​១០០៣​ កែង​និង​ផ្លូវ​១៩៥៨​ ស្ថិតក្នុងសង្កាត់ភ្នំពេញថ្មី​ ខណ្ឌ​សែនសុខ​។

តាមប្រភពព័ត៌មាន​ពីកន្លែងកើតហេតុ បាន​ឲ្យ​ដឹង​ថា​ នៅមុន​ពេល​កើត​ហេតុ​គេឃើញ​ បុរស​ម្នាក់ បាន​បើកបរ​រថយន្ត​មួយគ្រឿង​ម៉ាក​ តូយូតា​កូរ៉ូឡា​ ពណ៌​ស​ ពាក់ស្លាកលេខ​ ភ្នំពេញ​2AN-7078​ ធ្វើដំណើរ​តាមបណ្ដោយ​ផ្លូវ​១០០៣​ ក្នុងទិស​ដៅ​ពី​ជើងទៅត្បូង​។

លុះមកដល់​ចំណុច​កើត​ហេតុ ​រថយន្តខាងលើ​ក៏​បាន​បើក​ឆ្លង​កាត់​ផ្លូវ​១៩៥៨​ ដោយឆ្លងជិត​ផុត​ហើយ​ ស្រាប់តែ​មាន​រថយន្ត​មួយ​គ្រឿង​ទៀត​ម៉ាក​ កាម៉ារី​បាលែន​ ពណ៌ស្ករ​ ពាក់ស្លាកលេខ​ ភ្នំពេញ​2AB-9607 បើកបរ​ដោយ​យុវជន​ម្នាក់​ តាមបណ្ដោយ​ផ្លូវ​១៩៥៨​ ក្នុងទិស​ដៅ​ពី​លិច​ទៅ​កើត​ ក្នុង​ល្បឿន​យ៉ាង​លឿន​​ មក​បុក​រថយន្ត​ខាងលើ​ចំពាក់កណ្តាល​ពេញ​ទំហឹង​ បណ្ដាល​ឲ្យ​រថយន្ត​កូរ៉ូឡា​រងការខូចខាត​ក្រពឹត​ទ្វារ​ខាងស្តាំ​យ៉ាង​ដំណំ​ រីឯ​រថយន្ត​បាលែន​រងការខូចខាត​ក្រពឹត​មួយ​កំណត់​មុខ​ ប៉ុន្តែ​មិនបង្ក​ឲ្យ​មាន​អ្នក​រង​របួស​នោះទេ​។

ក្រោយ​ពេល​កើត​ហេតុ​សមត្ថកិច្ច​មូល​ដ្ឋាន​ ​បាន​ចុះមក​កន្លែង​កើត​ហេតុ​ ហើយក៏បាន​ឲ្យយ​ភាគីទាំងពីរ​សម្របសម្រួល​ដោះស្រាយ​គ្នា​ តែ​ដោយ​ភាគី​ទាំង​ពីរ​មិន​អាច​ដោះស្រាយ​គ្នា​បាន​ សមត្ថកិច្ច​មូល​ដ្ឋាន​ក៏​បាន​ទាក់ទង​ទៅ​សមត្ថកិច្ច​ជំនាញ​ឲ្យ​ចុះ​មក​ធ្វើការ​វាស់​វែង​ និង​យក​រថយន្ត​ទាំង​ពីរ​គ្រឿង​ទៅ​រក្សា​ទុក​នៅ​អធិការ​ដ្ឋាន​នគរបាល​ខណ្ឌ​សែនសុខ​ដើម្បី​រង់ចាំ​ធ្វើ​ដោះស្រាយ​គ្នា​ទៅ​តាម​ផ្លូវ​ច្បាប់​នៅ​ពេល​ក្រោយ​៕

Loading...

Leave a Reply

This site uses Akismet to reduce spam. Learn how your comment data is processed.