Post News Media ព័ត៌មានជាតិ បុរសម្នាក់ជិះ...

បុរសម្នាក់ជិះ​ម៉ូតូZOOMER-X ទៅ​បុក​ឃឿនថ្ម​ពុះ​ចែក​ទ្រូង​ផ្លូវ ស្លាប់យ៉ាងរន្ធត់​

ភ្នំពេញ: យុវជនម្នាក់ជិះម៉ូតូ ZOOMER-X មួយគ្រឿង​បោះពួយយ៉ាង​លឿន​ក៏​ជ្រុល​ទៅ​បុក​និង​ខឿន​សួនច្បារ​ពុះ​ចែក​ទ្រូង​ផ្លូវ​ បណ្តាល​ឲ្យ​បាក់​ក​ស្លាប់​ភ្លាមៗ​នៅកន្លែង​នឹង​កន្លែង​កើត​ហេតុ​យ៉ាង​អាណោចអាធ័ម​។

ហេតុ​ការណ៍ដ៏​រន្ធត់​នេះ​បាន​កើតឡើង​កាលពីវេលា​ម៉ោង​១១យប់​ ថ្ងៃទី​៣១​ ខែមករា​ ឆ្នាំ​២០១៩​ត្រង់ចំណុច​ខាង​ត្បូង​ក្លោង​ទ្វារ​វត្ត​សំរោង​អណ្ដែត​ តាម​បណ្តោយ​ផ្លូវ​ហាណូយ​ ស្ថិត​ក្នុង​សង្កាត់​ភ្នំពេញថ្មី​ ខណ្ឌ​សែនសុខ​។

ជនរងគ្រោះដែល​ស្លាប់បាត់​បង់​ជីវិត​ខាង​លើ​​មិន​បាន​ស្គាល់​អត្តសញ្ញាណ​នោះ​ទេ​ មានវ័យ​ប្រហែល​២០ឆ្នាំ​ ជិះម៉ូតូ​មួយគ្រឿង​​ម៉ាក​ ZOOMER-X ពណ៌​បៃតង​លាយស​ ពាក់ស្លាកលេខ​ កំពង់ចាម​ 1R-0481។

បើតាមប្រភព​ព័ត៌មាន​ពី​កន្លែង​កើត​ហេតុ​បានឲ្យ​ដឹង​ថានៅមុន​ពេល​កើត​ហេតុ​ ប្រទះឃើញបុរស​រងគ្រោះ​ខាងលើ​ បានដេកដួលស្តូកស្តឹងនៅត្រង់ចំណុចកើតហេតុ​ដោយ​នៅលើមុខរបស់ជនរងគ្រោះ​មានរបួស​ហូរឈាម​ស្រោច​ពេញ​ស្មៅ​ រួមទាំងម៉ូតូ​មួយគ្រឿង​ទៀត​ដួលនៅចិញ្ចើមផ្លូវចម្ងាយប្រមាណ២០០ម៉ែត្រ​ ពី​ជនរងគ្រោះ​។​

ភ្លាមៗ​នោះក៏មាន​ប្រជាពលរដ្ឋ​បានរាយការណ៍​ជូន​សមត្ថកិច្ច​មូល​ដ្ឋាន​និងរថយន្ត​សង្គ្រោះ​បន្ទាន់​ ឲ្យចុះមក​ជួយធ្វើការ​អន្តរាគមន៍​។
បន្ទាប់​មកសមត្ថកិច្ច​មូលដ្ឋាន​និង​រថយន្ត​សង្គ្រោះ​បន្ទាន់​បាន​មកដល់​កន្លែង​កើតហេតុ​ដើម្បី​ធ្វើការ​ជួយសង្គ្រោះ​ជនរងគ្រោះ​ តែ​ជាអកុសល្យ​ជនរងគ្រោះ​បាន​បាក់​ក​ដាច់ខ្យល់ស្លាប់​បាត់​ទៅ​ហើយ។

បើតាម​ប្រភព​ពី​សមត្ថកិច្ច​បានឲ្យដឹងថានៅមុនពេល​កើតហេតុ​ ជនរងគ្រោះ​ខាងលើ​បាន​ជិះ​ម៉ូតូ​ តាម​បណ្តោយ​ផ្លូវ​ហាណូយ​ ក្នុងទិសដៅពីត្បូងទៅជើង​ និងក្នុង​ល្បឿនយ៉ាង​លឿន​។ លុះមកដល់​ចំណុចកើត​ហេតុ​ ទំនង​ជា​ជនរងគ្រោះ​បាន​អកហ្សើនឹង​អ្វីមួយ​ រួចក៏កាច់​ចង្កូត​ទៅ​ខាង​ឆ្វេង​ ហើយ​ក៏ជ្រុល​ទៅ​បុក​និងខឿន​សួនច្បារ​ពុះ​ចែក​ទ្រូង​ផ្លូវ​ បណ្តោយ​ឲ្យ​ជន​រងគ្រោះ​ដួល​បោក​ក្បាល​ទៅនិង​ខឿន​សួនច្បារ​បាក់​.ក​ស្លាប់​ភ្លាមៗ​។ ចំណែក​ឯ​ម៉ូតូ​បានខ្ទាត​អូស​ទៅមុខ​ប្រមាណ​២០០ម៉ែត្រ​រងការខូចខាតបែក​កាតាប៊ូ​ខាងមុខនិង​ឆ្កូត​កាបាំងបន្តិចបន្តួច​។

ក្រោយ​ពេល​កើត​ហេតុ​សមត្ថកិច្ច​ជំនាញ​ក៏​បាន​ចុះ​ទៅ​ធ្វើការ​វាស់​វែង​យកម៉ូតូខាងលើទៅ​រក្សា​ទុក​នៅ​អធិការ​ដ្ឋាន​នគរបាល​ខណ្ឌ​សែនសុខ​ ដើម្បី​រង់ចាំ​ប្រគល់​ទៅ​ឲ្យ​សាច់​ញាតិ​របស់​ជនរងគ្រោះ​វិញ​។ ដោយ​ឡែក​​សពបុរស​រងគ្រោះ​ខាងលើ​ត្រូវបាន​សមត្ថកិច្ច​ដឹក​យកទៅ​តម្កល់​នៅក្នុងវត្ត​ទឹកថ្លា​ ដើម្បី​រង់ចាំ​ស្រាវជ្រាវ​ស្វែងរក​សាច់​ញាតិ​ឲ្យ​មក​ទទួល​យក​សពជនងគ្រោះ​យកទៅ​ធ្វើ​បុណ្យ​ទៅ​តាម​ប្រពៃណី​៕​