Post News Media ព័ត៌មានជាតិ យុវជនម្នាក់ ត...

យុវជនម្នាក់ ត្រូវសមត្ថកិច្ចឃាត់ខ្លួន ពីបទមនុស្សឃាត

ប៉ៃលិន: កាលពី​វេលាម៉ោង ៨យប់ថ្ងៃទី០៦ ខែកុម្ភ: ឆ្នាំ២០១៩​ ប៉ុស្តិ៍នគរបាលរដ្ឋបាលសង្កាត់ទួលល្វា បានធ្វើការឃាត់ខ្លួនយុវជនម្នាក់ ពាក់ព័ន្ធនឹងបទ​មនុស្សឃាត។

ការឃាត់ខ្លួននេះ បានធ្វើទ្បើងបន្ទាប់ពីទទួលបានពាក្យបណ្តឹងពីជនរងគ្រោះឈ្មោះ ម៉ុន ចន្ធូ ភេទស្រី អាយុ ២០ឆ្នាំ រស់នៅភូមិវាលវង់ សង្កាត់ទួលល្វា ក្រុងប៉ៃលិន ខេត្តប៉ៃលិន ដែលបានប្តឹងទៅលើឈ្មោះ ស្រ៊ុន សុខ ភេទប្រុស អាយុ ២៣ឆ្នាំ សញ្ជាតិខ្មែរ មានទីលំនៅភូមិសង្កាត់ជាមួយគ្នា ពីបទ​មនុស្សឃាត​ដោយគិតទុកជាមុន បាន​ធ្វើសកម្មភាពដេញកាប់ជនរងគ្រោះ ដោយកាំបិត។​

ក្រោយពីធ្វើការសាកសួរជនសង្ស័យ បានសារភាពថា ខ្លួនពិតជាបានដេញកាប់ជនរងគ្រោះ ដោយប្រើកាំបិតប្រាកដមែន។

បច្ចុប្បន្នជំនាញផ្នែកព្រហ្មទណ្ឌ នៃអធិការដ្ឋាននគរបាលក្រុងប៉ៃលិន កំពុងកសាងសំណុំរឿង និងបញ្ជូនជនសង្ស័យ ព្រមទាំងវត្ថុតាងទៅអយ្យការអមសាលាដំបូងខេត្តប៉ៃលិន ដើម្បីចាត់ការតាមនីតិវិធីច្បាប់៕

Loading...