Post News Media ព័ត៌មានជាតិ ឃាត់​ជនសង្ស័យ...

ឃាត់​ជនសង្ស័យ​៥​នាក់​ សុទ្ធ​សឹង​ជា​ជើង​ឆក់​ជា​អាជីព​ តាម​បណ្តា​ខណ្ឌ​ក្នុង​រាជធានី​ភ្នំពេញ​

​ភ្នំពេញ​: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា​ កម្លាំង​នគរបាល​ខណ្ឌដូនពេញ​ បាន​បើក​ប្រតិបត្តិការ​បង្ក្រាប​ក្រុម​ឆក់​សកម្ម​និង​អាជីព​តាម​បណ្តា​ខណ្ឌ​ក្នុង​រាជធានី​ភ្នំពេញ​ចំនួន​៥​នាក់​ជា​បន្ត​ បន្ទាប់​ ដោយ​ពន្លាត​ដែន​សមត្ថកិច្ច​តាម​ច្បាម​ដល់​ខណ្ឌចំការមន​ ។​

​កិច្ច​ប្រតិបត្តិការ​នេះ​បាន​ធ្វើ​ឡើង​កាលវេលា​ម៉ោង​៦​និង​៣០​នាទី​ព្រឹក​ ថ្ងៃ​ទី​៩​ ខែកុម្ភ:​ ឆ្នាំ​២០១៩​ នៅ​ចំណុច​ផ្លូវ​ព្រះ​ស៊ី​សុវត្ថិ​ កែង​ផ្លូវ​លេខ​១០២​ សង្កាត់​វត្ត​ភ្នំ​ ដោយ​មុន​ពេល​កើតហេតុ​ ជន​រង​គ្រោះ​មិន​ស្គាល់ឈ្មោះ​ ជនជាតិ​អឺរ៉ុប​ បាន​ដើរ​ម្នាក់ឯង​ លុះ​មក​ដល់​ចំណុច​កើតហេតុ​ខាងលើ​ ជន​រង​គ្រោះ​ក៏​បាន​ឈប់​ហើយ​កាន់​ទូរស័ព្ទ​ដៃ​ចុច​លេង​ ពេល​នោះ​ក៏​មាន​ជនសង្ស័យ​ចំនួន​២​នាក់​ ជិះ​ម៉ូតូ​១​គ្រឿង​ ម៉ាក​ Beat​ ព​ណ៍​ខៀវ​លាយ​ ស​ បាន​ធ្វើ​សកម្មភាព​ឆក់​ទូរស័ព្ទ​ពី​ជន​រង​គ្រោះ​បាន​សំរេច​ រួច​នាំ​គ្នា​ជិះ​ម៉ូតូ​គេចខ្លួន​ ។​ ភ្លាម​នោះ​ជន​រង​គ្រោះ​ក៏​ស្រែក​ផ្អើល​ឆោ​រ​ឡោ​ ស្រប​ពេល​កំលាំង​សមត្ថកិច្ច​ខណ្ឌ​ ប៉ុស្តិ៍​ដែល​កំពុង​ល្បាត​ក្នុង​មូលដ្ឋាន​ឃើញ​ហេតុការណ៍​ក៏​ធ្វើការ​អន្តរាគមន៍​ដេញ​ប្រថាប់​ចាប់​ប្រ​ភីង​ ធ្វើ​ឲ្យ​ជនសង្ស័យ​ភ័យ​រ៉េ​ចង្កូត​ដួល​ម៉ូតូ​ សមត្ថកិច្ច​ក៏​បាន​បង្ក្រាប​ជាក់ស្តែង​បាន​ជនសង្ស័យ​ម្នាក់​ឈ្មោះ​ កាក់​ លី​ហ័​រ​ រួម​នឹង​វត្ថុ​តាង​ធ្វើ​សកម្មភាព​ម៉ូតូ​១​គ្រឿង​ផង​ដែរ​ ដោយ​នាំ​មក​ប៉ុស្តិ៍​រដ្ឋបាល​វត្ត​ភ្នំ​ដើម្បី​ធ្វើការ​សាកសួរ​ ។​ ដោយឡែក​ជនសង្ស័យ​ម្នាក់​ទៀត​ឈ្មោះ​ផាត​ ដែល​ជា​អ្នក​ជិះ​ពីក្រោយ​ នឹង​ធ្វើ​សកម្ម​ឆក់​បាន​រត់គេច​ខ្លួន​បាត់​ ព្រម​ជាមួយ​ទូរស័ព្ទ​ដៃ​របស់​ជន​រង​គ្រោះ​ផង​ដែរ​ រីឯ​ជន​រង​គ្រោះជា​ស្ត្រីជន​បរទេស​បាន​ឡើង​រថយន្តឈ្នួល​ចេញ​ទៅ​បាត់​ដោយ​មិន​បាន​ដាក់​ពាក្យបណ្តឹង​ ឬ​ស្វែងរក​កិច្ច​អន្តរាគមន៍​ពី​សមត្ថកិច្ច​ឡើយ​ ។​

​បន្ទាប់​ពី​បាន​តំរុយ​នៃ​ការ​ឃាត់ខ្លួន​ជនសង្ស័យ​ម្នាក់​ កំលាំង​សមត្ថកិច្ច​បាន​ប្រើប្រាស់​វិធានការ​ជំនាញ​សួរ​ចម្លើយ​ អំពី​មុខសញ្ញា​បក្ខពួក​ និង​សមាសភាព​ក្រុម​ឆក់​ដទៃ​ទៀត​ ហើយ​បាន​បន្ត​បើក​ការ​ស្រាវជ្រាវ​រហូត​មក​ដល់​វេលា​ម៉ោង​១៩​និង​៣០​នាទី​យប់​ថ្ងៃ​ដដែល​ សមត្ថកិច្ច​បាន​បើក​កិច្ច​ប្រតិបត្តិការ​បង្ក្រាប​សមាស​សភាព​ឆក់​ក្រុម​ទី​២​ នៅ​ចំណុច​ក្រោយ​ផ្សារ​រាត្រី​ ដែល​ឃាត់ខ្លួន​ជនសង្ស័យ​២​នាក់​ទៀត​ដែល​មានឈ្មោះ​ ១/-​ឈ្មោះ​ថេ​ង​ សុង​ហ៊ី​ម​ ភេទ​ប្រុស​ អាយុ​១៨​ឆ្នាំ​ ជនជាតិ​ខ្មែរ​ មុខរបរ​មិន​ពិតប្រាកដ​ ។​ ២/-​ឈ្មោះ​ម៉ៅ​ វុ​ទ្ធី​ ភេទ​ប្រុស​ អា​យូ​១៧​ឆ្នាំ​ ជនជាតិ​ខ្មែរ​ មុខរបរ​មិន​ពិតប្រាកដ​ ។​

​ជា​វិធានការ​ជំនាញ​ជីក​ឬ​ស​គល់​ កាប់​មែក​ កាប់​ធាង​ សមត្ថកិច្ច​បាន​បន្ត​សួរ​យក​ចម្លើយ​ជនសង្ស័យ​ និង​បាន​បើក​កិច្ច​ប្រតិបត្តិការ​ស្រាវជ្រាវ​បន្ត​ដោយ​ពន្លាត​ដែន​សមត្ថកិច្ច​តាម​ច្បាម​ដល់​ខណ្ឌចំការមន​ រហូត​មក​ដល់​វេលា​ម៉ោង​២​អា​ធ្រា​ត្រ​ បាន​បង្ក្រាប​និង​ឃាត់ខ្លួន​សមាស​សភាព​ឆក់​ក្រុម​ទី​៣​ ចំនួន​២​នាក់​បន្ថែម​ទៀត​នៅ​កោះ​ពេជ្រ​ដែល​មានឈ្មោះ​ ១/-​ឈ្មោះ​ នៅ​ ជែ​ម​ ភេទ​ប្រុស​ អា​យូ​១៨​ឆ្នាំ​ ជនជាតិ​ខ្មែរ​ មុខរបរ​មិន​ពិតប្រាកដ​ ។​ ២/-​ឈ្មោះ​ វុ​ទ្ធី​ ដា​រ៉ុ​ង​រ័​ត្ន​ ភេទ​ប្រុស​ អាយុ​១៨​ឆ្នាំ​ ជនជាតិ​ខ្មែរ​ មុខរបរ​មិន​ពិតប្រាកដ​ ។​

​ជា​លទ្ធផល​ក្នុង​កិច្ច​ប្រតិបត្តិការ​នេះ​ សមត្ថកិច្ច​បាន​ធ្វើការ​ឃាត់ខ្លួន​ជនសង្ស័យ​ចំនួន​៥​នាក់​ សុទ្ធ​សឹង​ជា​សមាសភាព​ឆក់​សកម្ម​ជា​អាជីព​ តាម​បណ្តា​ខណ្ឌ​ក្នុង​រាជធានី​ភ្នំពេញ​ ដែល​តែង​ធ្វើ​សកម្មភាព​លើ​ជនបរទេស​ និង​ជា​សមាសភាព​ប្រើប្រាស់​គ្រឿងញៀន​ ហើយ​កិច្ច​ប្រតិបត្តិការ​បង្ក្រាប​នេះ​បាន​ចាប់ផ្តើម​ពី​ពេល​កើតហេតុ​រហូត​មក​ដល់​វេលា​ម៉ោង​៣​និង​៣០​នាទី​រំលង​អា​ធ្រា​ត្រ​ ឈាន​ចូល​ថ្ងៃ​ទី​១០​ ខែកុម្ភ:​ ឆ្នាំ​២០១៩​ ។​

​ក្នុង​ប្រតិបត្តិការ​នេះ​ សមត្ដ​កិច្ច​បាន​ដកហូត​វត្ថុ​តាង​រួម​មាន​ ៖​ ទូរស័ព្ទ​ដៃ​២​គ្រឿង​,​ កាបូប​ក្រ​វ៉ា​ត់​ចង្កេះ​ជន​បរ​ទេស​១​និង​សំភា​រះ​ផ្សេងៗ​,​ ម៉ូតូ​ចំនួន​៣​គ្រឿង​ ម៉ាក់​ C125​ ពណ៌​ខ្មៅ​1​ ម៉ាក​ Beat​ 1​គ្រឿង​ នឹង​ម៉ាក់​ Nex​ 1​គ្រឿង​ ៕


Loading...